മുംബൈ: ചെന്നൈ സൂപ്പർ കിങ്സ് ടീമിന്റെ ക്യാപ്റ്റൻ സ്ഥാനമൊഴിഞ്ഞ് രവീന്ദ്ര ജഡേജ. എംഎസ് ധോണി തന്നെ വീണ്ടും ടീമിനെ നയിക്കും. സൂപ്പർ കിങ്സ് പ്രസ്താവനയിലാണ് ഇക്കാര്യം അറിയിച്ചത്.
കഴിഞ്ഞ സീസണുകളിലെല്ലാം ചെന്നൈയെ നയിച്ച ധോണി ഈ സീസണിന്റെ തുടക്കത്തിലാണ് രവീന്ദ്ര ജഡേജക്ക് ക്യാപ്റ്റൻ സ്ഥാനം കൈമാറിയത്. ഈ സീസണിൽ ചെന്നൈയുടെ മോശം പ്രകടനത്തിനൊപ്പം ജഡേജയുടെ മോശം ഫോമും ചർച്ചയായിരുന്നു. പ്രതീക്ഷിച്ച പ്രകടനം പുറത്തെടുക്കാൻ സാധിക്കാത്തതിനാൽ തന്നെ കളിയിൽ കൂടുതൽ ശ്രദ്ധിക്കുന്നതിന് വേണ്ടിയാണ് ജഡേജ ക്യാപ്റ്റൻ സ്ഥാനം ഒഴിഞ്ഞതെന്ന് സൂപ്പർ കിങ്സ് വ്യക്തമാക്കി.
ഈ സീസണിൽ ജഡേജക്ക് കീഴിൽ എട്ട് മൽസരങ്ങൾ കളിച്ച ടീം രണ്ടെണ്ണത്തിൽ മാത്രമാണ് ജയിച്ചത്. പോയിന്റ് പട്ടികയിൽ ഒൻപതാം സ്ഥാനത്താണ് ടീം.
Most Read: വിവാഹ ഘോഷയാത്രയിൽ നാഗനൃത്തം; 5 പേർ പിടിയിൽ