തിരുവനന്തപുരം: അന്താരാഷ്ട്ര വിമാനത്താവളത്തില് നിന്ന് യുഎഇയിലേക്കും സൗദി അറേബ്യയിലേക്കും കൂടുതല് സര്വീസുകള് തുടങ്ങുന്നു. അബുദാബി, ദമാം എന്നിവിടങ്ങളിലേക്കാണ് ഇന്ഡിഗോ എയര്ലൈന്സ് സര്വീസുകള് ആരംഭിക്കുന്നത്.
തിങ്കള്, ബുധന്, വെള്ളി ദിവസങ്ങളിലായിരിക്കും സര്വീസ് ഉണ്ടാവുക. തിരുവനന്തപുരം-അബുദാബി സര്വീസ് ജൂണ് 15 മുതല് തുടങ്ങും. രാത്രി 9.30ന് തിരുവനന്തപുരത്ത് നിന്ന് പുറപ്പെടുന്ന വിമാനം 12.10ന് അബുദാബിയില് എത്തും. തിരികെ പുലര്ച്ചെ 1.30ന് അബുദാബിയില് നിന്ന് യാത്ര തിരിക്കുന്ന വിമാനം രാവിലെ 7.15ന് തിരുവനന്തപുരത്ത് എത്തും.
ദമാമിലേക്കുള്ള സര്വീസ് ജൂലായ് ഒന്നിന് തുടങ്ങും. രാവിലെ 7.55ന് തിരുവനന്തപുരത്ത് നിന്ന് പുറപ്പെടുന്ന വിമാനം 10.10ന് ദമാമിൽ എത്തും. തിരികെ 11.35ന് പുറപ്പെടുന്ന വിമാനം വൈകിട്ട് 7.30ന് തിരുവനന്തപുരത്ത് എത്തും. രണ്ട് സര്വീസുകളിലേക്കും ബുക്കിങ് തുടങ്ങിയിട്ടുണ്ട്.
Most Read: ഹൃദയാദ്രം ഈ കൂടിച്ചേരൽ; സ്നേഹാദ്രം ഈ ആലിംഗനം
