ജിദ്ദ: സൗദിയിൽ കോവിഡ് കേസുകളിൽ വർധന തുടരുന്നു. 24 മണിക്കൂറിനിടെ 806 പേർക്കാണ് പുതുതായി രോഗം ബാധിച്ചിരിക്കുന്നത്. 405 പേർക്ക് രോഗമുക്തിയുണ്ടായി. ഇതോടെ ഇതുവരെ രാജ്യത്ത് റിപ്പോർട് ചെയ്ത ആകെ കോവിഡ് കേസുകളുടെ എണ്ണം 804,570ഉം രോഗമുക്തരുടെ എണ്ണം 788,371ഉം ആയി.
ഒരാൾ മരിച്ചു. ഇതോടെ രാജ്യത്തെ ആകെ മരണം 9,233 ആയി. നിലവിൽ 6,966 പേർ രോഗം ബാധിച്ച് ചികിൽസയിലുണ്ട്. ഇവരിൽ 145 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗങ്ങളിൽ ചികിൽസയിൽ തുടരുന്നു.
സൗദിയിൽ നിലവിലെ കോവിഡ് മുക്തിനിരക്ക് 98.03 ശതമാനവും മരണനിരക്ക് 1.14 ശതമാനവുമാണ്. രാജ്യത്തെ പ്രധാന നഗരങ്ങളിൽ പുതുതായി റിപ്പോർട് ചെയ്ത രോഗികളുടെ എണ്ണം: റിയാദ് 234, ജിദ്ദ 127, ദമ്മാം 66, മക്ക 43, മദീന 29, ത്വാഇഫ് 29, ഹുഫൂഫ് 26, ജീസാൻ 21, അബ്ഹ 19, അൽബാഹ 17, ദഹ്റാൻ 13, ബുറൈദ 11, തബൂക്ക് 10, ഖോബാർ 9, ഖർജ് 8, ഹാഇൽ 6, ഖമീസ് മുശൈത്ത് 5, നജ്റാൻ 5, ജുബൈൽ 5, അബൂഅരീഷ് 4, ദവാദ്മി 4, യാംബു 4, സാറാത് ഉബൈദ 4, ഉനൈസ 4, അൽറസ് 4, ബൽജുറൈഷ് 4, അറാർ 3, ബീഷ 3, മഖ്വ 3, സബ്യ 3, ഹഫർ അൽബാത്വിൻ 3.
Most Read: ജോലി: ആളുകളെ കെട്ടിപ്പിടിക്കൽ, ഫീസ് മണിക്കൂറിന് 7000 രൂപ!