കൊല്ലം: പുനലൂരിൽ ഭർത്താവ് ഭാര്യയെ വെട്ടിക്കൊന്നു. വാളക്കോട് വില്ലേജിൽ കലയനാട് ചരുവിള വീട്ടിൽ ശാലിനി (39) യെയാണ് ഭർത്താവ് ഐസക്ക് വെട്ടിക്കൊലപ്പെടുത്തിയത്. പുനലൂരിലെ സ്വകാര്യ അൺ എയ്ഡഡ് സ്കൂളിലെ അനധ്യാപികയാണ് ശാലിനി.
ഇന്ന് രാവിലെ ആറുമണിയോടെയാണ് സംഭവം. സംഭവത്തിന് ശേഷം സാമൂഹിക മാദ്ധ്യമമായ ഫേസ്ബുക്കിൽ ഐസക്ക് കൊലപാതകത്തിന്റെ വിവരങ്ങൾ വിശദീകരിച്ചിരുന്നു. പിന്നാലെ പുനലൂർ പോലീസിൽ കീഴടങ്ങി.
ശാലിനിയെ ഐസക്ക് ഉപദ്രവിക്കുമ്പോൾ ഇവരുടെ 19ഉം 11ഉം വയസായ രണ്ട് ആൺകുട്ടികളും വീട്ടിലുണ്ടായിരുന്നു. സംശയത്തെ തുടർന്നാണ് ക്രൂരകൃത്യം നടത്തിയതെന്ന് പോലീസ് അറിയിച്ചു. അതേസമയം, കുടുംബ പ്രശ്നങ്ങളെ തുടർന്ന് ഐസക്കും ശാലിനിയും അകന്ന് താമസിക്കുകയായിരുന്നു.
Most Read| 70ആം വയസിൽ സ്കൈ ഡൈവ്; പ്രായത്തെ തോൽപ്പിച്ച് ഇടുക്കി സ്വദേശിനി
