കീവ്: ഗാസ സമാധാന പദ്ധതിയെ അഭിനന്ദിക്കുന്നതായി യുക്രൈൻ പ്രസിഡണ്ട് വൊളോഡിമിർ സെലൻസ്‌കി. ഗാസയിൽ യുദ്ധം അവസാനിപ്പിക്കാൻ കഴിയുമെങ്കിൽ, തീർച്ചയായും റഷ്യൻ യുദ്ധവും അവസാനിപ്പിക്കാൻ കഴിയുമെന്ന് സെലൻസ്‌കി എക്‌സിൽ കുറിച്ചു.
യുഎസ് പ്രസിഡണ്ട് ഡൊണാൾഡ് ട്രംപുമായി സെലൻസ്‌കി ഫോണിൽ സംസാരിച്ചു. ട്രംപുമായി വളരെ ഫലപ്രദമായ ഫോൺ സംഭാഷണം നടത്തിയെന്നാണ് സെലൻസ്‌കി പറഞ്ഞത്.
”ഒരു മേഖലയിൽ യുദ്ധം നിർത്താൻ കഴിയുമെങ്കിൽ, തീർച്ചയായും മറ്റു യുദ്ധങ്ങളും നിർത്താൻ കഴിയും, റഷ്യൻ യുദ്ധം ഉൾപ്പടെ. കീവിന്റെ ഊർജ സംവിധാനത്തിന് നേരെ റഷ്യ നടത്തിയ ആക്രമണത്തെ കുറിച്ച് ട്രംപിനെ അറിയിച്ചു. ഞങ്ങളെ പിന്തുണയ്‌ക്കാനുള്ള സന്നദ്ധതയെ അഭിനന്ദിക്കുന്നു”- സെലൻസ്‌കി പറഞ്ഞു.
യുക്രൈനിന്റെ വ്യോമ പ്രതിരോധം ശക്‌തിപ്പെടുത്തുന്നതിനുള്ള അവസരങ്ങളെ കുറിച്ചും ഇത് ഉറപ്പാക്കാൻ ഇരുപക്ഷവും പ്രവർത്തിക്കേണ്ട വ്യക്‌തമായ കരാറുകളെ കുറിച്ചും ട്രംപുമായി സംസാരിച്ചു. നമ്മളെ എങ്ങനെ ശക്‌തിപ്പെടുത്താം എന്നതിനെക്കുറിച്ച് നല്ല വഴികളും ഉറച്ച ആശയങ്ങളുമുണ്ടെന്നും സെലൻസ്‌കി പറഞ്ഞു. ട്രംപിന് നന്ദി പറഞ്ഞാണ് സെലൻസ്‌കി പോസ്‌റ്റ് അവസാനിപ്പിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
