കെയ്‌റോ: ബഹ്‌റൈനിൽ ഏറ്റവും കൂടുതൽ കാലം സേവനമനുഷ്‌ഠിച്ച പ്രധാനമന്ത്രിമാരിൽ ഒരാളായ ഖലീഫ ബിൻ സൽമാൻ അൽ ഖലീഫ അന്തരിച്ചു. 84 വയസായിരുന്നു. യുഎസിലെ ആശുപത്രിയിൽ വെച്ചായിരുന്നു അന്ത്യം. ബഹ്‌റൈൻ റോയൽ കോടതിയാണ് ഇക്കാര്യം അറിയിച്ചത്. ഖലീഫയുടെ മൃതദേഹം സംസ്‌കാരത്തിനായി നാട്ടിലേക്ക് കൊണ്ടുപോകുമെന്ന് അന്തർദേശീയ മാദ്ധ്യമങ്ങൾ റിപ്പോർട്ട് ചെയ്‌തു. സംസ്‌കാര ചടങ്ങിൽ അടുത്ത ബന്ധുക്കൾ മാത്രമായിരിക്കും പങ്കെടുക്കുക.
Also Read: ബിഹാർ തെരഞ്ഞെടുപ്പിൽ സന്തോഷം; ബംഗാളിലും യുപിയിലും മത്സരിക്കുമെന്ന സൂചന നൽകി ഉവൈസി
പ്രധാനമന്ത്രിയുടെ മരണത്തിൽ രാജ്യം ഒരാഴ്‌ച ദുഃഖാചരണം നടത്തുമെന്ന് ബഹ്‌റൈൻ രാജാവ് ഹമദ് ബിൻ ഇസ അൽ ഖലീഫ അറിയിച്ചു. പ്രധാനമന്ത്രിയോടുള്ള ബഹുമാന സൂചകമായി പതാക താഴ്‌ത്തി കെട്ടുകയും സർക്കാർ സ്‌ഥാപനങ്ങളുടെ പ്രവർത്തനം നിർത്തിവെക്കുകയും ചെയ്‌തു. വ്യാഴാഴ്‌ച മുതൽ മൂന്ന് ദിവസത്തേക്ക് സ്‌ഥാപനങ്ങൾ പ്രവർത്തിക്കുകയില്ല.
