തിരുവനന്തപുരം: കേന്ദ്ര സർക്കാർ കൊണ്ടുവന്ന കർഷക വിരുദ്ധ കാർഷിക നിയമത്തെ മറികടക്കാൻ സംസ്ഥാനം നിയമനിർമാണം കൊണ്ടുവരണമെന്ന ആവശ്യവുമായി പ്രതിപക്ഷ നേതാവ് രമേശ് ചെന്നിത്തല. ഇക്കാര്യം ആവശ്യപ്പെട്ട് മുഖ്യമന്ത്രി പിണറായി വിജയന് ചെന്നിത്തല കത്ത് നൽകി. കാർഷിക നിയമത്തിന് എതിരെ പ്രമേയം പാസാക്കാനാവാത്ത സാഹചര്യത്തിലാണ് നടപടി.
കൃഷി സംസ്ഥാന വിഷയമായതിനാൽ പഞ്ചാബ്, ഛത്തീസ്ഗഡ്, രാജസ്ഥാൻ തുടങ്ങിയ സംസ്ഥാനങ്ങൾ നടത്തിയ നിയമ നിർമാണത്തിന്റെ ചുവട് പിടിച്ച് നിയമനിർമാണം കൊണ്ടുവരണമെന്നാണ് ചെന്നിത്തല ആവശ്യപ്പെട്ടിരിക്കുന്നത്. ഇതിനായി മന്ത്രിസഭ അടിയന്തിര തീരുമാനമെടുക്കുകയും മറ്റു നടപടികളിലേക്ക് കടക്കുകയും ചെയ്യണമെന്ന് അദ്ദേഹം അഭ്യർഥിച്ചു.
2021 ജനുവരി 8ന് ചേരുന്ന നിയമസഭാ സമ്മേളനത്തിൽ മാത്രമേ പ്രസ്തുത വിഷയത്തിൽ പ്രമേയം അവതരിപ്പിച്ച് പാസാക്കുന്നതിന് സാധിക്കുകയുള്ളുവെന്നും ജനുവരി 11 വരെയുള്ള ദിവസങ്ങളിൽ പ്രമേയം ചർച്ച ചെയ്യുന്നതിന് സാഹചര്യമില്ലെന്നും പ്രതിപക്ഷ നേതാവ് കത്തിൽ ചൂണ്ടികാണിച്ചു.
Read also: പോസ്റ്റ് മെട്രിക് സ്കോളർഷിപ്പ്; കേന്ദ്ര വിഹിതം അഞ്ചിരട്ടി വർധിപ്പിക്കാൻ തീരുമാനം