റിയാദ്: കഴിഞ്ഞ 24 മണിക്കൂറിനിടെ സൗദി അറേബ്യയിൽ 104 പേർക്ക് കൂടി പുതുതായി കോവിഡ് 19 സ്ഥിരീകരിച്ചു. ഇതോടെ രാജ്യത്ത് ആകെ കോവിഡ് സ്ഥിരീകരിച്ചവരുടെ എണ്ണം 3,63,259 ആയി. 9 പേർ കോവിഡ് ബാധിച്ച് മരിച്ചു. ആകെ മരണസംഖ്യ 6,265 ആയി ഉയർന്നു. 146 പേർ രോഗമുക്തി നേടി. 3,54,755 പേരാണ് ആകെ രാജ്യത്ത് കോവിഡ് മുക്തി നേടിയത്.
നിലവിൽ 2,239 പേരാണ് കോവിഡ് ബാധിച്ച് ചികിൽസയിൽ തുടരുന്നത്. ഇതിൽ 364 പേരുടെ ആരോഗ്യനില ഗുരുതരമാണ്. ഇവർ രാജ്യത്തെ വിവിധ ആശുപത്രികളിൽ തീവ്ര പരിചരണ വിഭാഗത്തിൽ ചികിൽസയിലാണ്. ശേഷിക്കുന്നവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമായി തുടരുകയാണ്.
റിയാദ് (47), മക്ക (24), കിഴക്കൻ പ്രവിശ്യ (13), മദീന (4), വടക്കൻ അതിർത്തി മേഖല (4), അസീർ (3), നജ്റാൻ (2), തബൂക്ക് (2), ജീസാൻ (2), അൽബാഹ (1), ഹാഇൽ (1), ഖസീം (1) എന്നിങ്ങനെയാണ് കഴിഞ്ഞ ദിവസം സൗദിയിൽ സ്ഥിരീകരിച്ച കോവിഡ് കേസുകളുടെ എണ്ണം.
Read also: ബിനാമി സ്വത്ത് ഇടപാട്; റോബർട്ട് വാദ്രയെ വീണ്ടും ചോദ്യം ചെയ്തു
