ഹൂഘ്ലി: ചന്ദൻനഗറിൽ ബിജെപി ജില്ലാ യുവ മോർച്ച പ്രസിഡണ്ട് സുരേഷ് ഷാ അടക്കം മൂന്ന് ബിജെപി പ്രവർത്തകർ അറസ്റ്റിൽ. ഹൂഘ്ലിയിലെ ചന്ദൻനഗറിൽ ബുധനാഴ്ച നടത്തിയ റാലിക്കിടെ വിദ്വേഷകരവും അപകീർത്തികരവുമായ മുദ്രാവാക്യം വിളിച്ചതിനാണ് പ്രവർത്തകരെ പോലീസ് അറസ്റ്റ് ചെയ്തത്.
അറസ്റ്റിലായ മൂന്നുപേരെയും ചന്ദൻനഗർ കോടതിയിൽ ഹാജരാക്കുമെന്ന് പോലീസ് അറിയിച്ചു.
ബുധനാഴ്ച ഷായുടെ നേതൃത്വത്തിലാണ് ചന്ദൻനഗറിൽ റോഡ്ഷോ നടന്നത്. എന്നാൽ പ്രകടനത്തിനിടെ പ്രവർത്തകർ ‘രാജ്യദ്രോഹികളെ വെടിവെക്കൂ’ എന്ന മുദ്രാവാക്യം മുഴക്കുക ആയിരുന്നു.
കഴിഞ്ഞ ഏതാനും മാസങ്ങളായി പശ്ചിമ ബംഗാളിൽ ബിജെപി ആക്രമണാത്മക പ്രചാരണം നടത്തി വരികയാണ്. സംസ്ഥാനത്തെ 294 നിയമസഭാ സീറ്റുകളിലേക്കുള്ള തിരഞ്ഞെടുപ്പ് ഏതാനും മാസങ്ങൾക്കുള്ളിൽ നടക്കാനിരിക്കെ പശ്ചിമ ബംഗാളിൽ ബിജെപി-തൃണമൂൽ പോര് മുറുകുകയായാണ്.
Read Also: ബിജെപി സംസ്ഥാന നേതാക്കളെ വിശ്വസിക്കാൻ സാധിക്കില്ല; മേജർ രവി