തിരുവനന്തപുരം: കേരളത്തില് ഒറ്റപ്പെട്ടയിടങ്ങളില് ശനിയാഴ്ച വരെ ശക്തമായ കാറ്റിനും ഇടിമിന്നലോട് കൂടിയ മഴക്കും സാധ്യതയുള്ളതായി കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. 40 കിലോമീറ്റര് വരെ വേഗതയില് കാറ്റ് വീശാന് സാധ്യതയുള്ളതിനാല് ജാഗ്രത പാലിക്കണമെന്നും അധികൃതർ മുന്നറിയിപ്പ് നല്കി.
ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണെന്നും ചില സമയങ്ങളില് രാത്രി വൈകിയും ഇത് തുടര്ന്നേക്കാമെന്നും മുന്നറിയിപ്പിൽ പറയുന്നു.
കൂടാതെ മലയോര മേഖലയില് ഇടിമിന്നല് സജീവമാകാനാണ് സാധ്യതയെന്നും ഇത്തരം ഇടിമിന്നല് അപകടകാരികള് ആണെന്നും മുന്നറിയിപ്പുണ്ട്.
ഉച്ചക്ക് 2 മണി മുതല് രാത്രി 10 മണി വരെ അന്തരീക്ഷം മേഘാവൃതമാണെങ്കില്, തുറസായ സ്ഥലത്തും, ടെറസ്സിലും കുട്ടികള് കളിക്കുന്നതും മറ്റും ഒഴിവാക്കണമെന്നും ജാഗ്രതാ നിര്ദേശത്തില് പറയുന്നു.
Read Also: ജനക്ഷേമത്തിന് വേണ്ടി പ്രവർത്തിക്കുന്ന ഭരണകർത്താക്കൾ അധികാരത്തിൽ എത്തട്ടെ; ദിലീപ്