കൊല്ലം: കരുനാഗപ്പള്ളി ശ്രായിക്കാട് ഓടിക്കൊണ്ടിരുന്ന കാറിന് തീപിടിച്ചു. ശ്രായിക്കാട് സ്വദേശികളായ വിപിനും ദിവ്യയും സഞ്ചരിച്ച കാറിനാണ് തീപിടിച്ചത്. ഇരുവരും അൽഭുതകരമായി രക്ഷപെട്ടു. കരുനാഗപ്പള്ളി ഫയര്‍ഫോഴ്‌സ് യൂണിറ്റെത്തിയാണ് തീ അണച്ചത്. കാര്‍ പൂര്‍ണമായും കത്തിനശിച്ചു.
ശ്രായിക്കാട് ആവണി ജംഗ്ഷന് സമീപത്ത് വച്ചാണ് അപകടമുണ്ടായത്. വിപിന്റെ സുഹൃത്തിന്റെ കാറാണ് കത്തിയത്. വാഹനത്തിൽ ചെറിയ സ്‌പാര്‍ക്ക് കണ്ടയുടനെ ഇരുവരും വേഗത്തില്‍ പുറത്തിറങ്ങിയത് വലിയ അപകടം ഒഴിവാക്കി. നിമിഷങ്ങള്‍ക്കുള്ളില്‍ തന്നെ കാര്‍ പൂര്‍ണമായും കത്തിനശിച്ചെന്ന് ദൃക്‌സാക്ഷികള്‍ പറഞ്ഞു. തീപിടിത്തത്തിന്റെ കാരണം വ്യക്‌തമല്ല.
Most Read: ‘രാവും പകലും കഷ്‌ടപ്പെട്ടാണ് വിജയിപ്പിച്ചത്’- തരൂരിനെതിരെ മുല്ലപ്പള്ളി
