തിരുവനന്തപുരം: സ്വകാര്യ ഹോട്ടലിൽ സിവിൽ പോലീസ് ഓഫിസറെ തൂങ്ങിമരിച്ച നിലയിൽ കണ്ടെത്തി. നെയ്യാറ്റിൻകര സ്‌റ്റേഷനിലെ എസ്‌ജെ സജിയാണ് മരിച്ചത്. ഇന്ന് പുലർച്ചെ തിരുവനന്തപുരം തമ്പാനൂരിലെ ഹോട്ടൽ മുറിയിലാണ് സജിയെ തൂങ്ങിമരിച്ച നിലയിൽ കണ്ടെത്തിയത്. ഹോട്ടൽ ജീവനക്കാരാണ് സജിയുടെ മൃതദേഹം കണ്ടെത്തിയത്.
മേലുദ്യോഗസ്‌ഥരുടെ പീഡനമാണ് ആത്‍മഹത്യക്ക് കാരണമെന്നാണ് സജിയുടെ കുടുംബം ആരോപിക്കുന്നത്. സംഭവത്തിൽ വിശദമായ അന്വേഷണം വേണമെന്നും കുടുംബാംഗങ്ങൾ ആവശ്യപ്പെട്ടു. ഇന്നലെ ഉച്ചയോടെയാണ് സജി തമ്പാനൂരിലെ സ്വകാര്യ ഹോട്ടലിൽ മുറിയെടുത്തതെന്നാണ് വിവരം. രണ്ട് ദിവസമായി സജിയെ കാണാനില്ലായിരുന്നു.
ഇക്കാര്യം വ്യക്‌തമാക്കി സജിയുടെ കുടുംബം പോലീസിൽ പരാതിയും നൽകിയിരുന്നു. തുടർന്ന് പോലീസ് കേസെടുത്ത് അന്വേഷണം നടത്തവെയാണ് സജിയെ ഹോട്ടൽ മുറിയിൽ മരിച്ച നിലയിൽ കണ്ടെത്തിയത്. നെയ്യാറ്റിൻകര സ്‌റ്റേഷനിലെ സിഐ ഉൾപ്പടെയുള്ള മേലുദ്യോഗസ്‌ഥരുടെ പീഡനം മൂലമാണ് സജി ആത്‍മഹത്യ ചെയ്‌തതെന്നാണ്‌ കുടുംബം ആരോപിക്കുന്നത്.
Most Read: പഴകിയ ഇറച്ചിയും മൽസ്യവും പിടികൂടി; കോഴിക്കോട് 6 സ്‌ഥാപനങ്ങൾ പൂട്ടിച്ചു
