താമുൽപൂർ: അസമിൽ ബോഡോലാൻഡ് ടെറിട്ടോറിയൽ റീജിയണിലെ ചീഫ് എക്സിക്യൂട്ടീവ് അംഗത്തിന്റെ വാഹനവ്യൂഹം അപകടത്തിൽപ്പെട്ടു. മുന്നിൽ സഞ്ചരിച്ചിരുന്ന വാഹനമാണ് താമുൽപൂരിൽവച്ച് അപകടത്തിൽപ്പെട്ടത്. സംഭവത്തിൽ ഒരു പോലീസ് ഉദ്യോഗസ്ഥൻ മരണപ്പെട്ടു.
തമുൽപൂരിനടുത്ത് 11 മൈൽ ഏരിയയിലാണ് സംഭവം. രാജു കലിത എന്ന ഉദ്യോഗസ്ഥനാണ് മരിച്ചത്. മൂന്ന് പേർക്ക് പരുക്കേൽക്കുകയും ചെയ്തിട്ടുണ്ട്.
ബിടിആറിന്റെ സിഇഎമ്മായ പ്രമോദ് ബോറോയുടെ വാഹനവ്യൂഹം താമുൽപൂരിൽ നിന്ന് രംഗിയയിലേക്ക് പോകുന്നതിനിടെ ആണ് അപകടമുണ്ടായത്. വഴിയിൽ വാഹന വ്യൂഹത്തിന്റെ അകമ്പടി വാഹനം നിയന്ത്രണം വിട്ട് കുഴിയിലേക്ക് മറിയുകയായിരുന്നു.
അതേസമയം അപകട കാരണം വ്യക്തമല്ല. സിഇഎം പ്രമോദ് ബോറോ സംഭവത്തിൽ ദുഃഖം രേഖപ്പെടുത്തി. ദൗർഭാഗ്യകരമായ സംഭവത്തിൽ അങ്ങേയറ്റം വേദനിക്കുന്നുവെന്ന് പ്രമോദ് ബോറോ ട്വീറ്റ് ചെയ്തു.
Most Read: ജഹാംഗീർപുരിയിലെ ഒഴിപ്പിക്കൽ; ബുള്ഡോസറുകള് തടഞ്ഞ് ബൃന്ദ കാരാട്ട്