കണ്ണൂർ: കണ്ണൂർ കൊളച്ചേരിയിൽ പാമ്പ് കടിയേറ്റ് ചികിൽസയിൽ ആയിരുന്ന ആറു വയസുകാരി മരിച്ചു. നബീൽ – റസാന ദമ്പതികളുടെ ഏക മകൾ സിയാ നബീൽ ആണ് മരിച്ചത്. കോഴിക്കോട് മെഡിക്കൽ കോളേജ് ആശുപത്രിയിൽ ചികിൽസയിൽ ആയിരുന്നു. ഞായറാഴ്‌ച രാത്രി മാതാവിനോടൊപ്പം അയൽവാസിയുടെ വീട്ടിലേക്ക് പോകുമ്പോഴാണ് സിയക്ക് പാമ്പ് കടിയേറ്റത്.
ആദ്യം കണ്ണൂരിലെ സ്വകാര്യ ആശുപത്രിയിലേക്ക് കൊണ്ടുപോയെങ്കിലും ആരോഗ്യ നില വഷളായതോടെ കോഴിക്കോട്ടേക്ക് മാറ്റുകയായിരുന്നു. ഗുരുതരാവസ്‌ഥയിൽ ചികിൽസയിൽ തുടരുന്നതിനിടെ ഇന്ന് രാവിലെയാണ് മരിച്ചത്. നാറാത്ത് എഎൽപി സ്‌കൂൾ ഒന്നാം ക്ളാസ് വിദ്യാർഥിനിയാണ്. മൃതദേഹം വൈകിട്ട് ആറ് മണിയോടെ വീട്ടിലെത്തിക്കും.
Malabar News: സുല്‍ത്താന്‍ ബത്തേരിയിലെ ജനവാസ മേഖലയില്‍ കടുവകള്‍ ഇറങ്ങി; ജാഗ്രതാ നിര്‍ദേശം
