തൃശൂര്: യുഡിഎഫ് നിലപാട് അക്രമത്തെ പ്രോൽസാഹിപ്പിക്കുന്നു എന്ന് സിപിഎം സംസ്ഥാന ആക്ടിങ് സെക്രട്ടറി എ വിജയരാഘവന്. കണ്ണൂരിലെ സമാധാന യോഗം ബഹിഷ്കരിച്ച യുഡിഫ് തീരുമാനത്തോട് പ്രതികരിക്കുകയായിരുന്നു അദ്ദേഹം. സ്വീകരിച്ച നിലപാട് ശരിയായോ എന്ന് അവര് പരിശോധിക്കണം. സമാധാന ചര്ച്ചയില് എല്ലാവരും ഒന്നിച്ചു നില്ക്കുകയാണ് വേണ്ടിയിരുന്നത്.
ഓഫീസുകള് ആക്രമിക്കുന്നതിലൂടെ നിയമം കൈയിലെടുക്കുകയാണ് യുഡിഎഫ് പ്രവര്ത്തകര് ചെയ്യുന്നത്. സമാധാന ശ്രമങ്ങളുമായി മുസ്ലിം ലീഗ് സഹകരിക്കണം. തെറ്റായ സംഭവങ്ങളുണ്ടായാല് പ്രതികളെ നിയമത്തിനു മുന്നില് കൊണ്ടുവരുകയാണ് മാര്ഗം അല്ലാതെ നിയമം കൈയിലെടുത്ത് ആസൂത്രിത ആക്രമണം നടത്തുകയല്ല വേണ്ടതെന്നും വിജയരാഘവൻ പറഞ്ഞു.
Read also: ബാലുശേരിയിൽ എൽഡിഎഫ്-യുഡിഎഫ് സംഘർഷം