തിരുവനന്തപുരം: കോണ്‍ഗ്രസ് ശ്രമിക്കുന്നത് വര്‍ഗീയത വളര്‍ത്താനെന്ന സിപിഎം സംസ്‌ഥാന സെക്രട്ടറി എ വിജരാഘവന്റെ പരാമര്‍ശത്തിന് മറുപടിയുമായി കെപിസിസി അധ്യക്ഷന്‍ കെ സുധാകരന്‍. ഏറ്റവും വലിയ വര്‍ഗീയ വാദി എ വിജയരാഘവനാണെന്ന് പറയേണ്ടി വരുമെന്ന് കെ സുധാകരന്‍ പറഞ്ഞു.
ഇന്നത്തെ മത മേലധ്യക്ഷൻമാരുടെ യോഗം കെപിസിസിയുടെ ഇടപെടലിന്റെ ഫലമാണെന്നും കെ സുധാകരന്‍ പറഞ്ഞു. കെപിസിസി നടത്തുന്ന മതസൗഹാര്‍ദ യോഗത്തില്‍ പങ്കെടുക്കാന്‍ മത മേലധ്യക്ഷന്‍മാര്‍ തയ്യാറാണ്. ഒരു മന്ത്രി വന്നു പ്രസ്‌താവനയിറക്കി പോയാല്‍ പ്രശ്‌നങ്ങള്‍ തീരില്ല. മത മേലധ്യക്ഷന്‍മാരുടെ യോഗം വിളിച്ചു ചേര്‍ത്താല്‍ എന്താണ് കുഴപ്പമെന്നും അദ്ദേഹം ചോദിച്ചു.
കെപിസിസി പ്രസിഡണ്ടും പ്രതിപക്ഷ നേതാവും കഴിഞ്ഞ ദിവസം മത മേലധ്യക്ഷന്‍മാരുമായി കൂടിക്കാഴ്‌ച നടത്തിയിരുന്നു. ഇതിനെ സിപിഎം സംസ്‌ഥാന സെക്രട്ടറി എ വിജയരാഘവന്‍ വിമര്‍ശിച്ചിരുന്നു. വര്‍ഗീയത വളര്‍ത്താനാണ് കോണ്‍ഗ്രസ് ശ്രമമെന്നായിരുന്നു വിജയരാഘവന്റെ വിമര്‍ശനം.
National News: ‘ഞാൻ ഒരു ആം ആദ്‌മിയാണ്, ഇത് സാധാരണക്കാരുടെ സർക്കാരാണ്’; ചരൺജിത് ചന്നി
