മുംബൈ: ഏകനാഥ് ഷിൻഡെയുടെ നേതൃത്വത്തിലുള്ള വിമത വിഭാഗത്തെ പരിഹസിച്ച് ശിവസേന നേതാവ് ആദിത്യ താക്കറെ. ഷിൻഡെയെ പിന്തുണക്കുന്ന എംഎൽഎമാർക്ക് തങ്ങളുടെ കണ്ണിൽ നോക്കാൻ കഴിയില്ലെന്ന് അദ്ദേഹം പറഞ്ഞു. മഹാരാഷ്‌ട്ര നിയമസഭാ സ്‌പീക്കർ തിരഞ്ഞെടുപ്പിൽ ബിജെപി വിജയിച്ചതിന് പിന്നാലെയാണ് താക്കറെയുടെ പരാമർശം.
“ഇന്ന് വന്ന എംഎൽഎമാർക്ക് (ഏകനാഥ് ഷിൻഡെ വിഭാഗത്തിൽ നിന്ന്) ഞങ്ങളുടെ കണ്ണിൽ നോക്കാൻ കഴിയുമോ? എത്ര നാൾ നിങ്ങൾ ഒരു ഹോട്ടലിൽ നിന്ന് മറ്റൊന്നിലേക്ക് മാറി കളിക്കും? ഈ എംഎൽഎമാർ ഒരു ദിവസം അവരുടെ നിയമസഭാ മണ്ഡലങ്ങളിലേക്ക് പോകേണ്ടിവരും. അപ്പോൾ അവർ ജനങ്ങളെ എങ്ങനെ നേരിടും?,“ അദ്ദേഹം ചോദിച്ചു.
എൻഡിടിവിക്ക് നൽകിയ പ്രത്യേക അഭിമുഖത്തിൽ ആദിത്യ താക്കറെ, തന്റെ പിതാവ് ഉദ്ധവ് താക്കറെയെ ‘സ്വന്തം ആളുകൾ തന്നെ ഒറ്റിക്കൊടുത്തു‘ എന്ന് പറഞ്ഞിരുന്നു. ആർക്കെങ്കിലും സ്വന്തം പാർട്ടിയോടും സ്വന്തം കുടുംബത്തോടും ഇത് ചെയ്യാൻ കഴിയുമെന്ന് സങ്കൽപ്പിക്കാൻ പോലും കഴിയില്ല; ആദിത്യ താക്കറെ പറഞ്ഞു.
Most Read: ഗൂഢാലോചന കേസ്; സ്വപ്‌നയ്‌ക്ക് വീണ്ടും ക്രൈം ബ്രാഞ്ച് നോട്ടീസ്
