അബുദാബി: യുഎഇയിൽ ശനി, ഞായർ ദിവസങ്ങളിലേക്ക് വാരാന്ത്യം മാറ്റിയ സാഹചര്യത്തിൽ പൊതുഗതാഗത ബസ് സേവനം പരിഷ്കരിച്ച് അബുദാബി. നിലവിലുള്ള റൂട്ടുകൾ ഭേദഗതി ചെയ്തും, പുതിയ സർവീസുകൾ ആരംഭിച്ചുമാണ് പൊതുഗതാഗത ബസ് സേവനം അബുദാബി പരിഷ്കരിച്ചത്.
ജനങ്ങൾക്ക് മെച്ചപ്പെട്ട സേവനം നൽകുന്നതിന്റെ ഭാഗമായാണ് ഇപ്പോൾ ബസ് സർവീസുകളിൽ മാറ്റം വരുത്തിയിരിക്കുന്നത്. പരിഷ്കരിച്ച സർവീസുകൾ പ്രകാരം പ്രവൃത്തി ദിവസങ്ങളിൽ പ്രതിദിന ബസ് ട്രിപ്പുകളിൽ 60 എണ്ണം കൂടി ചേർത്തിട്ടുണ്ട്.
ദിവസേനയുള്ള ട്രിപ്പുകളുടെ എണ്ണം ഇതോടെ 4,695ൽ നിന്നും 4,775 ആയി ഉയർന്നു. കൂടാതെ പ്രവൃത്തി ദിവസമായ വെള്ളിയാഴ്ചകളിൽ 753 ട്രിപ്പുകൾ കൂടി ചേർത്തതോടെ 4,002ൽ നിന്നും ബസ് സർവീസുകൾ 4,775 ആയി ഉയർന്നു.
Read also: ഹോസ്റ്റൽ സമയക്രമം; വിദ്യാർഥിനികളുടെ ആവശ്യം അംഗീകരിച്ച് യുസി കോളേജ്