യുഎഇ: അബുദാബി, ഫുജൈറ ഷെയ്ഖ് സായിദ് ഗ്രാന്‍ഡ് മസ്ജിദുകള്‍ ഇന്ന് തുറക്കും. ദേശീയ അടിയന്തര ദുരന്തനിവാരണ അതോറിറ്റിയുമായി സഹകരിച്ചാണ് യു.എ.ഇ പ്രസിഡന്‍ഷ്യല്‍കാര്യ മന്ത്രാലയം ഷെയ്ഖ് സായിദ് ഗ്രാന്‍ഡ് മസ്ജിദുകള്‍ തുറക്കുന്നത്.
കോവിഡിന്റെ പശ്‌ചാത്തലത്തില്‍ കര്‍ശന നിയന്ത്രണങ്ങളോടെ ആണ് സന്ദര്‍ശനം അനുവദിക്കുന്നത്. മസ്ജിദില്‍ എത്തുന്ന സന്ദര്‍ശകരുടെ എണ്ണം കൃത്യമായി നിയന്ത്രിക്കും. കൂടാതെ ആളുകള്‍ക്ക് വന്നുപോകുന്നതിന് പ്രത്യേക വഴികളും അടയാളപ്പെടുത്തും.
National News: രാഹുല്‍ ഗാന്ധി നയിക്കുന്ന ട്രാക്‌ടർ റാലി ഇന്ന് മുതല്‍
ശരീര താപനില പരിശോധിക്കുന്നതിനായി പ്രത്യേക തെര്‍മല്‍ ക്യാമറകളും ഇവിടെയുണ്ടാവും. ഉയര്‍ന്ന താപനില കാണിക്കുന്നവരെ പാര്‍പ്പിക്കാന്‍ പ്രത്യേക ഐസോലേഷന്‍ മുറികളും ഒരുക്കും. അതേസമയം കാഴ്‌ചകള്‍ കാണാനായി ആളുകള്‍ കൂട്ടമായി എത്തുന്നതിന് അനുമതി ഉണ്ടാവുകയില്ല. കൂടാതെ പള്ളിക്കുള്ളില്‍ പ്രവേശിക്കുന്ന സ്‍ത്രീകള്‍ക്കായി നല്‍കിയിരുന്ന പ്രത്യേക പൊതു വസ്‌ത്രങ്ങള്‍ ഉപയോഗിക്കുന്നതും ഒഴിവാക്കിയിട്ടുണ്ട്. കോവിഡ് പ്രോട്ടോക്കോള്‍ കൃത്യമായി പാലിക്കണമെന്നും മസ്ജിദില്‍ എത്തുന്നവരോട് അധികൃതര്‍ അറിയിച്ചു.
