ഈ വര്‍ഷം അവസാനത്തോടെ നടക്കേണ്ടിയിരുന്ന അബുദാബി ടി-10 ലീഗ് അടുത്ത വര്‍ഷത്തേക്ക് മാറ്റി. 2021 ജനുവരി 28 മുതല്‍ ഫെബ്രുവരി 6 വരെ അബുദാബിയില്‍ വെച്ചാണ് മല്‍സരങ്ങള്‍ നടക്കുക. അതേസമയം താരങ്ങളുടെ ലേലം നടക്കുന്ന തിയതികള്‍ സംഘാടകര്‍ ഇതുവരെയും പ്രഖ്യാപിച്ചിട്ടില്ല.
കൊറോണ വൈറസ് വ്യാപനം കണക്കിലെടുത്താണ് ടി-10 ലീഗ് മല്‍സരങ്ങള്‍ അടുത്ത വര്‍ഷത്തേക്ക് മാറ്റിവെക്കുന്നത്. ഇത് കൂടാതെ യു.എ.ഇ ക്രിക്കറ്റ് കലണ്ടറിലെ തിരക്കുകളും ടൂര്‍ണമെന്റ് മാറ്റിവെക്കാന്‍ കാരണമായതായാണ് വിവരം.
ഇന്ത്യന്‍ പ്രീമിയര്‍ ലീഗ് മല്‍സരങ്ങള്‍ നടക്കുന്ന അബുദാബിയിലെ ഷെയ്ഖ് സയ്ദ് സ്‌റ്റേഡിയത്തില്‍ വെച്ചാവും ടി-10 മത്സരങ്ങളും നടക്കുക. മുന്‍വര്‍ഷത്തെ പോലെ തന്നെ 10 ദിവസങ്ങളായി നടക്കുന്ന ടൂര്‍ണമെന്റില്‍ 8 ടീമുകളാവും പങ്കെടുക്കുക.
Read Also: മുത്തയ്യ മുരളീധരനാകാന്‍ വിജയ് സേതുപതി
