അബുദാബി: റമദാൻ മാസത്തിലെ തിരക്കേറിയ സമയങ്ങളിൽ റോഡുകളിൽ ഹെവി വാഹനങ്ങൾക്ക് നിയന്ത്രണം ഏർപ്പെടുത്തി. അബുദാബിയിലും അൽ ഐനിലുമാണ് നിയന്ത്രണം ഏർപ്പെടുത്തിയിരിക്കുന്നത്. രാവിലെ 8 മണി മുതൽ 10 മണി വരെയും, ഉച്ചക്ക് ശേഷം 2 മണി മുതൽ 4 മണി വരെയുമാണ് നിയന്ത്രണം.
അന്പതിലധികം യാത്രക്കാരെ വഹിക്കുന്ന ബസുകള്, ഹെവി ഡ്യൂട്ടി ട്രക്കുകൾ, ലോറികൾ എന്നിവ നിരോധിക്കുമെന്ന് അബുദാബി പോലീസ് വ്യക്തമാക്കി. വിവിധ മേഖലകളുമായി സഹകരിച്ച് സുഗമമായ ഗതാഗതം പ്രദാനം ചെയ്യുന്നതിനും വിശുദ്ധ മാസത്തിൽ ഹെവി ഡ്യൂട്ടി വാഹനങ്ങൾ മൂലമുണ്ടാകുന്ന അപകടങ്ങൾ കുറയ്ക്കുന്നതിനും വേണ്ടിയാണ് നിയന്ത്രണം ഏർപ്പെടുത്തിയത്.
Read also: കരിപ്പൂർ വിമാനത്താവള വികസനം; ഭൂമി ഏറ്റെടുക്കലിന് അടിയന്തര നീക്കവുമായി സർക്കാർ