ചിന്ദ്വാര: മധ്യപ്രദേശിലെ ചിന്ദ്വാര ജില്ലയിൽ വൻ വാഹനാപകടം. വിവാഹച്ചടങ്ങിൽ പങ്കെടുക്കാൻ പോയ വാഹനമാണ് അപകടത്തിൽ പെട്ടത്. കുട്ടി ഉൾപ്പെടെ 7 പേർ അപകടത്തിൽ കൊല്ലപ്പെട്ടു.
മൊദാമാവ് ഗ്രാമത്തിൽ രാത്രി രണ്ട് മണിയോടെയാണ് സംഭവം. വാഹനം റോഡരികിലെ കിണറ്റിലേക്ക് മറിയുകയായിരുന്നു. അപകടത്തിൽ 5 പേർക്ക് പരിക്കേറ്റതായും സൂചനയുണ്ട്.
മൊഹ്ഖേദിലെ കൊദാമാവ് ഗ്രാമത്തിൽ വിവാഹ ചടങ്ങിന് പങ്കെടുക്കാൻ പോകവെയാണ് അപകടം നടന്നത്. കുട്ടികൾ ഉൾപ്പെടെ 12 യാത്രക്കാരാണ് വാഹനത്തിൽ ഉണ്ടായിരുന്നത്. മുന്നിൽ ഉണ്ടായിരുന്ന ബൈക്ക് യാത്രക്കാരനെ വെട്ടിച്ചു മാറുന്നതിനിടെ കാർ കിണറ്റിലേക്ക് വീഴുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.
Most Read: തിരുവനന്തപുരത്ത് നടുറോഡിൽ വിദ്യാർഥിക്ക് നേരെ ആക്രമണം