ഔറംഗാബാദ്: മഹാരാഷ്‍ട്രയിലെ ബീഡ് ജില്ലയില്‍ കാമുകന്‍ ആസിഡ് എറിഞ്ഞ് യുവതിയെ കൊലപ്പെടുത്തി. ശനിയാഴ്‌ച പുലര്‍ച്ചയാണ് സംഭവം. നാന്ദേഡ് ജില്ലയിലെ ഷെല്‍ഗാവ് സ്വദേശിയായ യുവതി കാമുകനായ അവിനാശ് രാജുരെയുമായി പുണെയില്‍നിന്ന് ജൻമനാട്ടിലേക്ക് പോവുകയായിരുന്നു.
യാത്രക്കിടയില്‍ വിജന പ്രദേശമായ യാലാംബ് ഘട്ടില്‍ വിശ്രമിക്കാണ് ഇറങ്ങിയപ്പോഴാണ് കാമുകന്‍ ആസിഡ് ആക്രമണം നടത്തിയ ശേഷം യുവതിയുടെ ദേഹത്ത് പെട്രോള്‍ ഒഴിച്ച് കത്തിക്കാന്‍ ശ്രമിച്ചത്. ശേഷം ഓടി രക്ഷപ്പെട്ട ഇയാളെ പൊലീസ് പിടികൂടി. സ്‌ഥലത്തെത്തിയ നെക്‌നൂര്‍ സ്‌റ്റേഷനിലെ പൊലീസുകാരാണ് യുവതിയെ ആശുപത്രിയില്‍ എത്തിച്ചത്. മരണമൊഴി ലഭിച്ചെങ്കിലും ആക്രമണ കാരണം വ്യക്‌തമായിട്ടില്ലെന്ന് പൊലീസ് അറിയിച്ചു.
Read also: ഒബാമയുടെ പുസ്‍തകത്തില്‍ മോദിയില്ല; ശശി തരൂര്‍
