ദോഹ : കോവിഡ് വ്യാപനം തുടരുന്ന സാഹചര്യത്തിൽ സുരക്ഷാ മാനദണ്ഡങ്ങൾ ലംഘിക്കുന്ന ആളുകൾക്കെതിരെ കടുത്ത നടപടി സ്വീകരിച്ച് ഖത്തർ. കഴിഞ്ഞ ദിവസവും നിയന്ത്രണങ്ങൾ ലംഘിച്ച 357 ആളുകൾക്കെതിരെ ഖത്തറിൽ നിയമനടപടി സ്വീകരിച്ചു.
നിയമനടപടി സ്വീകരിച്ചവരിൽ ഏറെ പേരും പൊതുസ്ഥലങ്ങളിൽ മാസ്ക് ധരിക്കാത്തവർ ആയിരുന്നു. മാസ്ക് ധരിക്കാത്ത 236 പേർക്കെതിരെയാണ് കേസെടുത്തത്. കൂടാതെ സാമൂഹിക അകലം പാലിക്കാത്തതിന് 23 പേർക്കെതിരെയും, ഇഹ്തിറാസ് മൊബൈല് ആപ്ളിക്കേഷന് ഇന്സ്റ്റാള് ചെയ്യാത്തതിന് 5 പേര്ക്കെതിരെയും നിയമനടപടി സ്വീകരിച്ചു.
ഇത് കൂടാതെ ക്വാറന്റെയ്ൻ ലംഘിച്ച 3 പേരെയും അധികൃതർ പിടികൂടിയിട്ടുണ്ട്. നിയമലംഘനം നടത്തിയ ആളുകളെ നിലവിൽ പ്രോസിക്യൂഷന് മുന്നിൽ ഹാജരാക്കിയിട്ടുണ്ട്. കോവിഡ് നിയന്ത്രണങ്ങൾ കടുപ്പിച്ചതിന് പിന്നാലെ നിയമലംഘനം നടത്തിയ ആയിരക്കണക്കിന് ആളുകളെയാണ് ഇതുവരെ പ്രോസിക്യൂഷന് കൈമാറിയിട്ടുള്ളത്.
Read also : കേരളത്തിന് 1.84 ലക്ഷം ഡോസ് വാക്സിൻ കൂടി അനുവദിച്ച് കേന്ദ്രം