തിരുവനന്തപുരം: നടൻ കൃഷ്ണകുമാർ ബിജെപി അംഗത്വം സ്വീകരിച്ചു. പാർട്ടി ദേശീയ അധ്യക്ഷൻ ജെ പി നഡ്ഡയിൽ നിന്നാണ് കൃഷ്ണകുമാർ അംഗത്വം സ്വീകരിച്ചത്. ബിജെപി സംസ്ഥാന അധ്യക്ഷൻ കെ സുരേന്ദ്രനും വേദിയിലുണ്ടായിരുന്നു.
നിയമസഭാ തിരഞ്ഞെടുപ്പ് നടക്കാനിരിക്കെ കൂടുതൽ പ്രമുഖരെ പാർട്ടി ലേബലിൽ മൽസരിപ്പിക്കാൻ ബിജെപി തീരുമാനം എടുത്തിരുന്നു. ഇതിൽ ഏറ്റവും കൂടുതൽ ഉയർന്നുകേട്ട പേരുകളിൽ ഒന്നായിരുന്നു കൃഷ്ണകുമാറിന്റേത്.
സംസ്ഥാനത്തെ ബിജെപിയിൽ വിഭാഗീയതയില്ലെന്നും ശോഭാ സുരേന്ദ്രനുമായുള്ള പ്രശ്നം പരിഹരിക്കുമെന്നും ജെപി നഡ്ഡ പറഞ്ഞു. ശോഭാ സുരേന്ദ്രന് പാർട്ടി സംസ്ഥാന നേതൃത്വവുമായി ഭിന്നതയുണ്ടെന്ന വാർത്തകൾ ജെപി നഡ്ഡ നിഷേധിച്ചില്ല. ചിലരുടെ വികാരങ്ങൾ വ്രണപ്പെട്ടിരിക്കാമെന്നും, എന്നാൽ ബിജെപിയിൽ എല്ലാവർക്കും അവസരങ്ങളുണ്ടെന്നും നഡ്ഡ പറഞ്ഞു.
Read Also: ശിവശങ്കറിന്റെ ജാമ്യം ബിജെപി-സിപിഎം ധാരണയുടെ അടിസ്ഥാനത്തിൽ; മുല്ലപ്പള്ളി