മുംബൈ: മുൻ ഉപമുഖ്യമന്ത്രിയും മുതിർന്ന എൻസിപി നേതാവുമായ അജിത് പവാർ മഹാരാഷ്‌ട്ര നിയമസഭയിലെ പ്രതിപക്ഷ നേതാവാകും. എൻസിപി നിയമസഭാ കക്ഷി നേതാവ് ജയന്ത് പാട്ടീലാണ് പ്രതിപക്ഷ നേതൃസ്‌ഥാനത്തേക്ക് അജിത്തിനെ നാമനിർദ്ദേശം ചെയ്‌തത്‌. 288 അംഗ നിയമസഭയിലെ ഏറ്റവും വലിയ ഒറ്റകക്ഷിയാണ് എൻസിപി.
വിമത ശിവസേന നേതാവ് ഏക്‌നാഥ്‌ ഷിൻഡെ കലാപക്കൊടി ഉയർത്തിയതിന് തുടർന്ന് രണ്ടാഴ്‌ചയോളം നീണ്ട രാഷ്‌ട്രീയ നാടകത്തിന് പിന്നാലെയാണ് മഹാരാഷ്‌ട്രയിലെ മഹാവികാസ് അഘാടി സർക്കാർ വീണത്. പിന്നീട് ഷിൻഡെ ക്യാംപും ബിജെപിയും ചേർന്ന് സർക്കാർ രൂപീകരിച്ചു. ഏക്‌നാഥ്‌ ഷിൻഡെ മുഖ്യമന്ത്രിയായപ്പോൾ ഉപമുഖ്യമന്ത്രി സ്‌ഥാനം ബിജെപിയുടെ ദേവേന്ദ്ര ഫഡ്‌നാവിസിനാണ് ലഭിച്ചത്.
Most Read: മരണക്കിടക്കയിൽ അച്ഛന്റെ അവസാനത്തെ ആഗ്രഹം; മദ്യം സിറിഞ്ചിലാക്കി നൽകി മകൾ
