കോഴിക്കോട്: ജില്ലയിലെ തിരുവമ്പാടിയിൽ വീണ്ടും മദ്യവേട്ട. സംഭവത്തിൽ ആർആർടി വോളണ്ടിയർ ഉൾപ്പടെ രണ്ട് പേർ പിടിയിൽ. താമരശ്ശേരി ചുങ്കം സ്വദേശികളായ ഇരുമ്പൻ ചൂഡൻകുന്ന് ഷമീർ, ആനപ്പാറക്കൽ സനോരാജ് എന്നിവരെയാണ് തിരുവമ്പാടി സിഐ കെ സുധീർ അറസ്റ്റ് ചെയ്തത്. അറസ്റ്റിലായ സനോരാജ് താമരശ്ശേരി പഞ്ചായത്ത് കോവിഡ് ആർആർടി വോളണ്ടിയർ ആണ്.
രഹസ്യ വിവരത്തെ തുടർന്ന് ഇന്നലെ നടത്തിയ പരിശോധനയിൽ ബിവറേജസ് ഔട്ട്ലെറ്റിന് സമീപത്ത് നിന്നാണ് ഇരുവരും പിടിയിലാകുന്നത്. ബൈക്കിൽ കടത്തുകയായിരുന്ന 39 മദ്യകുപ്പികളാണ് ഇവരിൽ നിന്ന് പിടിച്ചെടുത്തത്.
സിപിഒമാരായ കെഎ അനീസ്, എ രാംജിത് എന്നിവരടങ്ങിയ സംഘമാണ് പരിശോധന നടത്തിയത്. തിരുവമ്പാടി ബിവറേജസ് ഔട്ട്ലെറ്റിൽ നിന്ന് ഭീമമായ അളവിൽ മദ്യം വാങ്ങി വിൽപന നടത്തുന്നവരാണ് ഇവരെന്ന് പോലീസ് പറഞ്ഞു.
Read Also: ഇടുക്കിയിലെ അനധികൃത മരംമുറി; അന്വേഷണം മരവിപ്പിച്ചതായി ആരോപണം