താൻ അമ്മയാകാൻ പോകുന്നതിന്റെ സന്തോഷം സോഷ്യൽ മീഡിയയിൽ പങ്കുവച്ച് ആലിയ ഭട്ട്. ഇൻസ്റ്റഗ്രാമിലൂടെയാണ് ഗർഭിണി ആണെന്ന വിവരം ആലിയ പങ്കുവച്ചത്. സ്കാൻ ചെയ്യുന്ന ചിത്രത്തിനൊപ്പം ‘ഞങ്ങളുടെ കുഞ്ഞ്…. ഉടൻ വരും’ എന്ന അടിക്കുറിപ്പോടെയാണ് താരം ഇക്കാര്യം ആരാധകരെ അറിയിച്ചത്.
ചിത്രത്തിൽ രൺബീർ കപൂറിനേയും കാണാം. സന്തോഷവാർത്ത സോഷ്യൽ മീഡിയയിൽ പങ്കുവച്ചതിന് പിന്നാലെ സിനിമയിലെ സഹപ്രവര്ത്തകരും ആരാധകരുമായി നിരവധി പേരാണ് ആലിയക്കും രണ്ബീറിനും ആശംസകളുമായി എത്തിയത്. രാകുല് പ്രീത് സിംഗ്, കരണ് ജോഹര്, പരിണീതി ചോപ്ര, ടൈഗര് ഷ്രോഫ്, പ്രിയങ്ക ചോപ്ര എന്നിവരൊക്കെ ആശംസകൾ അറിയിച്ചു. കൂടാതെ ഒരു മണിക്കൂറിനുള്ളില് 14 ലക്ഷത്തോളെ ലൈക്കുകളും ഈ ഇന്സ്റ്റഗ്രാം പോസ്റ്റ് നേടി.
കഴിഞ്ഞ ഏപ്രിൽ 14ആം തീയതി ആയിരുന്നു ആരാധകർ ഏറെ കാത്തിരുന്ന രൺബീർ കപൂർ-ആലിയ ഭട്ട് വിവാഹം. നീണ്ട 5 വർഷത്തെ പ്രണയത്തിന് ശേഷമാണ് ഇരുവരും വിവാഹിതരായത്.
Read also: വില്ലൻ വേഷങ്ങളിലൂടെ ശ്രദ്ധിക്കപ്പെട്ട എൻഡി പ്രസാദിനെ മരിച്ച നിലയിൽ കണ്ടെത്തി