തിരുവനന്തപുരം: കേരളത്തില്‍ കോവിഡ് വ്യാപനം രൂക്ഷമാകുന്ന സാഹചര്യത്തില്‍ രോഗ പ്രതിരോധത്തിലെ കൂടുതല്‍ നടപടികള്‍ ചര്‍ച്ച ചെയ്യാന്‍ സര്‍വ്വകക്ഷി യോഗം ഇന്ന് ചേരും.
പ്രതിദിന രോഗബാധ 7000 കടന്നത്തോടെ ആശങ്കയേറുകയാണ്. സംസ്ഥാനത്ത് അടച്ചിടല്‍ നടപ്പാക്കുന്നതില്‍ ഭൂരിഭാഗം രാഷ്ട്രീയ പാര്‍ട്ടികളും എതിര്‍പ്പറിയിച്ചു. അതിനാല്‍ നിലവിലെ നിയന്ത്രണങ്ങള്‍ കൂടുതല്‍ കടുപ്പിക്കാനാവും സര്‍ക്കാര്‍ തീരുമാനം.
പോലീസിനെ പ്രതിരോധ രംഗത്തു കൂടുതല്‍ വിന്യസിപ്പിക്കാനാവും ആലോചിക്കുന്നുണ്ട് . പ്രതിപക്ഷ സമരങ്ങള്‍ കോവിഡ് വ്യാപനത്തിന് ആക്കം കൂട്ടുന്നുവെന്ന വിമര്‍ശനത്തെ തുടര്‍ന്ന് ആള്‍ക്കൂട്ട സമരങ്ങള്‍ നിര്‍ത്തിവെച്ചു. എന്നാല്‍ ബിജെപി ഇതില്‍ നിലപാട് വ്യക്തമാക്കിയിട്ടില്ല. തലസ്ഥാനത്തെ രോഗ ബാധ പ്രതിദിനം ആയിരത്തിന് മുകളിലാണ്. ഇതു സര്‍ക്കാരിന് വെല്ലുവിളിയാണ്.
Read also: മുഖ്യമന്ത്രിക്ക് ഫോണില്‍ ഭീഷണി സന്ദേശം; സുരക്ഷ ശക്തമാക്കി
