ന്യൂഡെൽഹി: ഇന്ത്യൻ ഫുട്ബോൾ താരം അനിരുദ്ധ് ഥാപ്പയ്ക്ക് കോവിഡ് സ്ഥിരീകരിച്ചു. ഇന്ത്യൻ ഫുട്ബോൾ ഫെഡറേഷനാണ് ഇക്കാര്യം അറിയിച്ചത്. ജൂൺ മൂന്നിന് ഖത്തറിനെതിരെ നടന്ന ലോകകപ്പ് ക്വാളിഫയർ പോരാട്ടത്തിൽ ഥാപ്പ കളത്തിൽ ഇറങ്ങിയിരുന്നില്ല.
“അനിരുദ്ധ് ഥാപ്പ കോവിഡ് പോസിറ്റീവായി. അദ്ദേഹം ഐസൊലേഷനിലാണ്. അവർ ഒരു ടെസ്റ്റ് കൂടി ചെയ്യുമെന്നാണ് തോന്നുന്നത്. പോസിറ്റീവാണെങ്കിലും ഥാപ്പയുടെ സിടി സ്കോർ ഉയർന്നതാണ്. ഖത്തറിൽ, സിടി സ്കോർ 30നു താഴെയാണെങ്കിൽ കോവിഡ് പോസിറ്റീവാണ്. വരും ദിവസങ്ങളിൽ അദ്ദേഹത്തിന് വീണ്ടും ടെസ്റ്റ് നടത്തും”- എഐഎഫ്എഫ് ജനറൽ സെക്രട്ടറി കുശാൽ ദാസ് എഎൻഐയോട് പറഞ്ഞു.
ഖത്തറിനെതിരായ ലോകകപ്പ് ക്വാളിഫയർ മൽസരത്തിൽ ഇന്ത്യ ഏകപക്ഷീയമായ ഒരു ഗോളിനു പരാജയപ്പെട്ടിരുന്നു.
Read also: കുഴല്പ്പണക്കേസ്; ഇഡി അന്വേഷണം ആവശ്യപ്പെടാന് വിസമ്മതിച്ച് വി മുരളീധരന്