കാസർഗോഡ്: മടിക്കൈ ഗ്രാമ പഞ്ചായത്തിൽ ഒരു സിപിഎം സ്ഥാനാർഥി കൂടി എതിരില്ലാതെ തിരഞ്ഞെടുക്കപ്പെട്ടു. 10ആം വാർഡിലെ സ്ഥാനാർഥി വി പ്രകാശനാണ് തിരഞ്ഞെടുക്കപ്പെട്ടത്. സൂക്ഷ്മ പരിശോധനയിൽ ബിജെപി സ്ഥാനാർഥിയുടെ പത്രിക തള്ളിയതോടെയാണ് സിപിഎം സ്ഥാനാർഥി എതിരില്ലാതെ ജയിച്ചത്.
നേരത്തെ സിപിഎമ്മിന്റെ മൂന്ന് സ്ഥാനാർഥികൾ എതിരില്ലാതെ തിരഞ്ഞെടുക്കപ്പെട്ടിരുന്നു. മടിക്കൈ പഞ്ചായത്തിലെ 11, 12, 13 എന്നീ വാർഡുകളിലാണ് എതിരില്ലാതെ തിരഞ്ഞെടുക്കപ്പെത്. വി രാധ (കക്കാട്ട് ), രമ പത്മനാഭൻ ( അടുക്കത്ത് പറമ്പ് ), പ്രസിഡണ്ട് സ്ഥാനാർഥി കൂടിയായ എസ് പ്രീത ( ചാളക്കടവ്) എന്നീ സിപിഎം സ്ഥാനാർഥികളെയാണ് എതിരില്ലാതെ തിരഞ്ഞെടുത്തത്.
2015ലെ തിരഞ്ഞെടുപ്പിൽ 15 വാർഡുകളിലും ബിജെപി സ്ഥാനാർഥികളെ നിർത്തിയിരുന്നു. ഈ വാർഡുകളിൽ ബിജെപിക്ക് 70 മുതൽ 100 വോട്ട് വരെ ലഭിച്ചിരുന്നു. ഇത്തവണ ഇതേ വാർഡുകളിൽ സ്ഥാനാർഥിയെ പ്രഖ്യാപിച്ചുവെങ്കിലും പിൻതാങ്ങാൻ ആളില്ലാത്തതിനാൽ സ്ഥാനാർഥികൾക്ക് നാമനിർദേശ പത്രിക സമർപ്പിക്കാൻ സാധിച്ചിരുന്നില്ല.
Also Read: സ്വര്ണക്കടത്ത് കേസ്; മലപ്പുറത്തും കോഴിക്കോടും എന്ഐഎ റെയ്ഡ്