കോഴിക്കോട്: ബിജെപി സംസ്ഥാന പ്രസിഡണ്ട് കെ സുരേന്ദ്രന്റെ വാര്ത്താ സമ്മേളനത്തില് നിന്ന് ഏഷ്യാനെറ്റ് ന്യൂസ് പ്രതിനിധിയെ ഒഴിവാക്കി. കോഴിക്കോട് തളിയിലെ ജില്ലാ കമ്മിറ്റി ഓഫീസിൽ നടന്ന വാർത്താ സമ്മേളനത്തിൽ നിന്നാണ് പ്രതിനിധിയെ ഇറക്കി വിട്ടത്.
വാര്ത്താ സമ്മേളനം തുടങ്ങുന്നതിന് മുമ്പ് ഏഷ്യാനെറ്റ് ന്യൂസ് ലേഖകൻ പുറത്തു പോകണമെന്ന് സുരേന്ദ്രൻ ആവശ്യപ്പെട്ടു. ഏഷ്യാനെറ്റ് ന്യൂസിനോടുള്ള നിസഹകരണം പാര്ട്ടി ആലോചിച്ചെടുത്ത തീരുമാനമാണെന്നും അതില് തനിക്ക് വെള്ളം ചേര്ക്കാന് കഴിയില്ലെന്നും ഇതുസംബന്ധിച്ച മാദ്ധ്യമ പ്രവര്ത്തകരുടെ ചോദ്യത്തിന് മറുപടിയായി കെ സുരേന്ദ്രന് പറഞ്ഞു.
നേരത്തെ കേന്ദ്ര സഹമന്ത്രി വി മുരളീധരനും തന്റെ ഔദ്യോഗിക വാര്ത്താ സമ്മേളനത്തില് നിന്നും ഏഷ്യാനെറ്റ് ന്യൂസ് പ്രതിനിധിയെ ഇറക്കിവിട്ടിരുന്നു.
Read also: ബാർജ് അപകടം; മരിച്ച മലയാളികളുടെ എണ്ണം ഏഴായി