ദിസ്‌പൂർ: അസമിൽ ഉണ്ടായ വാഹനാപകടത്തിൽ 10 പേർ മരിച്ച സംഭവത്തിൽ മുഖ്യമന്ത്രി ഹിമന്ത ബിശ്വ ശർമ അനുശോചനം രേഖപ്പെടുത്തി. അപകടത്തിൽ മരിച്ചവരുടെ കുടുംബങ്ങൾക്ക് ഒരു ലക്ഷം രൂപ ധനസഹായം പ്രഖ്യാപിച്ചു.
കരീംഗഞ്ചിൽ ഓട്ടോറിക്ഷയും ട്രക്കും കൂട്ടിയിടിച്ചാണ് അപകടമുണ്ടായത്. അപകടത്തിൽ മരിച്ചവരിൽ ഭൂരിഭാഗം പേരും സ്‍ത്രീകളും കുട്ടികളുമാണ്. എതിർദിശയിൽ നിന്ന് വന്ന ട്രക്ക് ഓട്ടോറിക്ഷയിലേക്ക് ഇടിച്ചു കയറുകയായിരുന്നു. ഒൻപത് പേർ അപകട സ്‌ഥലത്ത് വെച്ച് തന്നെ മരണപ്പെട്ടു. ഒരാളെ ആശുപത്രിയിൽ എത്തിച്ചപ്പോഴാണ് മരിച്ചതെന്ന് പോലീസ് ഉദ്യോഗസ്‌ഥൻ പറയുന്നു.
അപകടത്തിന് ശേഷം ട്രക്ക് ഡ്രൈവർ ഓടി രക്ഷപ്പെട്ടതായി പോലീസ് പറഞ്ഞു. ഇയാൾക്കായി തിരച്ചിൽ ഊർജിതമാക്കി.
Read also: പുസ്‍തകത്തിൽ അയോധ്യയെ കുറിച്ച് പരാമർശം; സല്‍മാന്‍ ഖുര്‍ഷിദിനെതിരെ പരാതി
