കൊച്ചി: നിയസഭാ കയ്യാങ്കളി കേസിലെ വിചാരണക്കോടതി ഉത്തരവിനെതിരെ പ്രതിപക്ഷ നേതാവ് രമേശ് ചെന്നിത്തല. സർക്കാർ നൽകിയ റിവിഷൻ ഹരജിയിൽ കക്ഷി ചേർക്കണമെന്ന് ആവശ്യപ്പെട്ട് ചെന്നിത്തല ഹൈക്കോടതിയെ സമീപിച്ചു. കേസ് പിൻവലിക്കാനുള്ള ആവശ്യം തടയണമെന്നും രമേശ് ചെന്നിത്തല കോടതിയോട് ആവശ്യപ്പെട്ടു. പൊതുമുതൽ നശിപ്പിച്ച കേസ് പിൻവലിക്കാൻ ആകില്ലെന്ന് ഹൈക്കോടതിയുടെ മുൻകാല വിധിയുണ്ടെന്ന് ഹരജിയിലൂടെ ചെന്നിത്തല ചൂണ്ടിക്കാട്ടി. ഹരജി ഹൈക്കോടതി ചൊവ്വാഴ്‌ച പരിഗണിക്കും.
Also Read: നിയമസഭാ കയ്യാങ്കളി കേസ്; സർക്കാരിന് തിരിച്ചടി; സ്‌റ്റേ ആവശ്യം തള്ളി ഹൈക്കോടതി
നിയമസഭാ കയ്യാങ്കളി കേസിലെ പ്രതികളായ വ്യവസായ മന്ത്രി ഇ.പി ജയരാജനും ഉന്നത വിദ്യാഭ്യാസ മന്ത്രി കെ.ടി ജലീലിനും തിരുവനന്തപുരം സിജെഎം കോടതി ജാമ്യം അനുവദിച്ചിരുന്നു. കേസിലെ മറ്റ് പ്രതികളായ വി ശിവന്‍കുട്ടി, കെ അജിത്ത്, കെ കുഞ്ഞഹമ്മദ്, സികെ സദാശിവന്‍ എന്നിവര്‍ കോടതിയില്‍ വിടുതല്‍ ഹരജി സമര്‍പ്പിച്ചിട്ടുണ്ട്. കേസ് കോടതി വീണ്ടും നവംബര്‍ 12ന് പരിഗണിക്കും. ഇതിനെതിരെയാണ് ചെന്നിത്തല രംഗത്തെത്തിയത്.
