തിരുവനന്തപുരം: നിയമസഭാ തിരഞ്ഞെടുപ്പ് തന്ത്രങ്ങൾക്ക് രൂപം നൽകാൻ സിപിഎം സംസ്‌ഥാന നേതൃയോഗങ്ങൾ ഇന്ന് തുടങ്ങും. ഇന്ന് ചേരുന്ന സംസ്‌ഥാന സെക്രട്ടറിയേറ്റിൽ സർക്കാരിന്റെ വികസന പ്രവർത്തനങ്ങളുടെ പ്രചാരണവും, പ്രകടനപത്രിക രൂപീകരണവും, എൽഡിഎഫ് ജാഥയുമാണ് മുഖ്യ ചർച്ചാ വിഷയങ്ങൾ. നിയമസഭാ തിരഞ്ഞെടുപ്പ് അടുത്തിരിക്കെ മുന്നണിയിലെ സ്‌ഥാനാർഥി നിർണയ ചർച്ചകളും അധികം വൈകാതെ തന്നെ ആരംഭിച്ചേക്കും.
നാളെയും, മറ്റന്നാളും സിപിഎം സംസ്‌ഥാന സമിതി യോഗം ചേരുന്നുണ്ട്. സ്‌ഥാനാർഥി നിർണയത്തിലെ പൊതുനയവും ജില്ലകളിലെ തിരഞ്ഞെടുപ്പ് ഒരുക്കങ്ങളും യോഗം വിശകലനം ചെയ്യും. തിരഞ്ഞെടുപ്പ് ഒരുക്കങ്ങളുടെ ഭാഗമായി പാർട്ടി നടത്തുന്ന ഗൃഹസന്ദർശന പരിപാടികൾ പുരോഗമിക്കുകയാണ്. വിവിധ ജില്ലകളിൽ സംസ്‌ഥാന നേതാക്കൾ ഉൾപ്പെടെ പരിപാടിയിൽ സജീവമാണ്.
Read Also: വിവിധ ജില്ലകളിലെ പോലീസ് മേധാവിമാർക്ക് സ്‌ഥലം മാറ്റം
