തിരുവനന്തപുരം: സംസ്ഥാനത്തെ വിവിധ ജില്ലാ പോലീസ് മേധാവിമാരെ സ്ഥലം മാറ്റിക്കൊണ്ട് സർക്കാർ ഉത്തരവ്. കാസര്ഗോഡ് എസ്പി ആയിരുന്ന ഡി ശില്പയെ കോട്ടയത്തേക്ക് മാറ്റി. പകരം വിജിലന്സ് ഇന്റലിജന്സ് എസ്പി ഹരിശങ്കര് കാസര്ഗോഡ് പൊലീസ് മേധാവിയാകും. വയനാട് എസ്പി ജി പൂങ്കുഴലിയെ തൃശൂരിലേക്ക് മാറ്റി.
അരവിന്ദ് സുകുമാരനാണ് പുതിയ വയനാട് ജില്ലാ പോലീസ് മേധാവി. ജി ജയദേവ് ആലപ്പുഴ എസ്പിയാകും. തിരുവനന്തപുരം റൂറല് എസ്പിയായി പി കെ മധുവിനെ സ്ഥലം മാറ്റി. വൈഭവ് സക്സേനയെ തിരുവനന്തപുരം ഡിസിപിയാക്കിയും സർക്കാർ ഉത്തരവിറങ്ങി. നിയമസഭാ തിരഞ്ഞെടുപ്പിന് മാസങ്ങൾ മാത്രം ശേഷിക്കെയാണ് ജില്ലാ പോലീസ് മേധാവിമാരുടെ സ്ഥലം മാറ്റം.
Read Also: നിയമസഭാ തിരഞ്ഞെടുപ്പ്; പുതിയ മാറ്റങ്ങൾ പ്രഖ്യാപിച്ച് തിരഞ്ഞെടുപ്പ് കമ്മീഷൻ