ന്യൂഡെല്‍ഹി: ഗുജറാത്തില്‍ ആം ആദ്മി പ്രവര്‍ത്തകര്‍ക്ക് നേരെ നടന്ന ആക്രമണത്തില്‍ മുഖ്യമന്ത്രി വിജയ് രൂപാണിക്ക് കത്തയച്ച് ഡെല്‍ഹി മുഖ്യമന്ത്രി അരവിന്ദ് കെജ്‌രിവാള്‍. കഴിഞ്ഞദിവസം ഗുജറാത്തില്‍ ആം ആദ്മി പാര്‍ട്ടി നടത്തിയ കാല്‍നട മാര്‍ച്ചിനിടയില്‍ കല്ലേറ് നടന്നതായും പത്തിലധികം പ്രവര്‍ത്തകര്‍ക്ക് പരിക്ക് പറ്റിയതായും റിപ്പോർട് പുറത്തുവന്നിരുന്നു. ഇതേത്തുടർന്നാണ് കെജ്‌രിവാൾ വിജയ് രൂപാണിക്ക് കത്തയച്ചത്. തദ്ദേശ സ്വയംഭരണ തിരഞ്ഞെടുപ്പില്‍ പാര്‍ട്ടിയുടെ പ്രകടനത്തില്‍ അസ്വസ്‌ഥരായ ബിജെപിയാണ് ആക്രമണത്തിന് പിന്നിലെന്നാണ് ആം ആദ്മി പ്രവര്‍ത്തകരുടെ പ്രതികരണം. ആരോപണങ്ങള്‍ ബിജെപി നേതൃത്വം നിഷേധിച്ചു.
Read also: പ്രണയിച്ച് വിവാഹം കഴിച്ച മകളെ വെട്ടിക്കൊന്നു; പിതാവ് അറസ്‌റ്റിൽ
