തിരുവനന്തപുരം: വർക്കല ബീച്ചിൽ വിദേശ വനിതകൾക്ക് നേരെ ലൈംഗികാതിക്രമ ശ്രമമെന്ന് പരാതി. യുകെ, ഫ്രാൻസ് സ്വദേശിനികളായ മൂന്ന് പേരാണ് പരാതിയുമായി രംഗത്തെത്തിയത്. തിരുവമ്പാടി ബീച്ചിൽ തിങ്കളാഴ്‌ച രാത്രി നടക്കാനിറങ്ങിയ ഇവർക്ക് നേരെ അതിക്രമമുണ്ടായതായി പരാതിയിൽ പറയുന്നു.
തിങ്കളാഴ്‌ച രാത്രി എട്ട് മണിയോടെ ആയിരുന്നു സംഭവം. ബീച്ചിൽ നടക്കാനിറങ്ങിയ തങ്ങൾക്ക് നേരെ ചിലർ നഗ്‌നതാ പ്രദർശനം നടത്തിയെന്നും കടന്നുപിടിക്കാൻ ശ്രമിച്ചെന്നും ഇവർ പരാതിയിൽ പറയുന്നു.
വർക്കലയിലെ ഒരു ഹോം സ്‌റ്റേയിലാണ് കഴിഞ്ഞ എട്ട് മാസമായി മൂന്ന് പേരും താമസിക്കുന്നത്. ഇവർക്കൊപ്പം കഴിയുന്ന മുംബൈ സ്വദേശിനിക്കും സമാന അനുഭവം ഉണ്ടായിട്ടുണ്ടെന്ന് ഇവർ വ്യക്‌തമാക്കി. വർക്കല പോലീസ് സ്‌റ്റേഷനിലാണ് വനിതകൾ പരാതി നൽകിയിരിക്കുന്നത്.
Most Read: ലക്ഷദ്വീപിൽ സ്‌റ്റാംപ് ഡ്യൂട്ടി വർധിപ്പിച്ച ഉത്തരവ് സ്‌റ്റേ ചെയ്‌ത്‌ ഹൈക്കോടതി
