കാസര്‍ഗോഡ്: മതവികാരം വ്രണപ്പെടുത്തുന്ന തരത്തില്‍ വീഡിയോ റെക്കോര്‍ഡ് ചെയ്‌ത് പ്രചരിപ്പിച്ച സ്‌ഥാനാര്‍ഥിക്ക് എതിരെയും വോട്ടര്‍മാര്‍ക്കിടയില്‍ മതസ്‌പര്‍ദ്ധ വളര്‍ത്താന്‍ നോട്ടീസ് അടിച്ചിറക്കിയ ഒമ്പതു പേര്‍ക്കെതിരെയും നിയമനടപടി സ്വീകരിക്കുമെന്ന് അറിയിച്ച് ജില്ലാ കളക്‌ടര്‍ ഡോ. ഡി സജിത്ത് ബാബു.
ഈസ്‌റ്റ് – എളേരി പഞ്ചായത്തിലെ വോട്ടര്‍മാര്‍ക്കിടയില്‍ മതസ്‌പര്‍ദ്ധ വളര്‍ത്താന്‍ തക്ക വിധമുള്ള നോട്ടീസ് അടിച്ചിറക്കി പ്രചരണം നടത്തിയ ഒന്‍പത് പേര്‍ക്കെതിരെ നിയമനടപടി സ്വീകരിക്കുമെന്ന് കളക്‌ടര്‍ വ്യക്‌തമാക്കി. ചിറ്റാരിക്കലിലെ കൊട്ടാരത്തില്‍ സണ്ണിയുടെ പരാതിയെ തുടര്‍ന്നാണ് നടപടി.
മതവികാരം വ്രണപ്പെടുത്തുന്ന വീഡിയോ റെക്കോര്‍ഡ് ചെയ്‌ത് ഫേസ്ബുക്ക് വഴി പ്രചരിപ്പിച്ചതിനാണ് പഞ്ചായത്തിലെ പതിനാറാം വാര്‍ഡ് സ്‌ഥാനാര്‍ഥിക്ക് എതിരെ നിയമ നടപടി സ്വീകരിക്കുക. ചിറ്റാരിക്കലിലെ ജോണി സെബാസ്‌റ്റിയനാണ് സ്‌ഥാനാര്‍ഥി മതവികാരം വ്രണപ്പെടുത്തുന്ന തരത്തിലുള്ള വീഡിയോ റെക്കോര്‍ഡ് ചെയ്‌ത് പ്രചരിപ്പിച്ചതായി പരാതിപ്പെട്ടത്. ഇവര്‍ക്കെതിരെ കര്‍ശന നടപടി സ്വീകരിക്കുമെന്ന് ജില്ലാ കളക്‌ടര്‍ ഡോ. ഡി സജിത്ത് ബാബു വ്യക്‌തമാക്കി.
Malabar News: കാഞ്ഞിരപ്പുഴ കനാൽ ചോർച്ച; കർഷകർ പ്രതിസന്ധിയിൽ
