മെൽബൺ: ഓസ്ട്രേലിയൻ ഓപ്പണിൽ ഗ്രീസിന്റെ സ്റ്റെഫാനോസ് സ്റ്റിസിപാസിനെ തകർത്ത് റഷ്യയുടെ ഡാനിൽ മെദ്വെദെവ് ഫൈനലിൽ. വെള്ളിയാഴ്ച നടന്ന സെമി പോരാട്ടത്തിൽ നേരിട്ടുള്ള സെറ്റുകൾക്കായിരുന്നു മെദ്വെദെവിന്റെ തകർപ്പൻ ജയം. സ്കോർ: 6-4, 6-2, 7-5.
സെർബിയയുടെ ലോക ഒന്നാം നമ്പർ താരം നൊവാക് ജോക്കോവിച്ചാണ് ഫൈനലിൽ മെദ്വെദെവിന്റെ എതിരാളി. കഴിഞ്ഞ ദിവസം നടന്ന സെമിയിൽ റഷ്യയുടെ അസ്ലൻ കരറ്റ്സവിനെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് ജോക്കോവിച്ച് ഫൈനലിൽ ഇടം നേടിയത്. ഒമ്പതാം കിരീടം ലക്ഷ്യമിട്ടാണ് ജോക്കോവിച്ച് ഫൈനലിൽ പോരാടുക. താരത്തിന്റെ 28ആം ഗ്രാൻഡ്സ്ലാം ഫൈനലാണിത്.
Read also: ദൃശ്യം 2 തെലുങ്കിലേക്ക്; നായകൻ വെങ്കിടേഷ് തന്നെ