മെൽബൺ: ഓസ്ട്രേലിയൻ ഓപ്പൺ മിക്സഡ് ഡബിൾസ് വിഭാഗം ക്വാർട്ടർ ഫൈനലിൽ സാനിയ മിർസ-രാജീവ് റാം സഖ്യത്തിന് തോൽവി. ക്വാർട്ടറിൽ ഓസ്ട്രേലിയയുടെ ജേസൺ കുബ്ളർ-ജാമി ഫൗർലിസ് സഖ്യമാണ് ഇന്തോ-അമേരിക്കൻ ജോഡിയെ പരാജയപ്പെടുത്തിയത്. നേരിട്ടുള്ള സെറ്റുകൾക്കാണ് സാനിയ-രാജീവ് സഖ്യത്തിന്റെ തോൽവി.
സ്കോർ: 6-4, 7-6. ആദ്യ സെറ്റിൽ ഫോം കണ്ടെത്താൻ ബുദ്ധിമുട്ടിയ സാനിയ-രാജീവ് സഖ്യം രണ്ടാം സെറ്റിൽ മികച്ച പ്രകടനം പുറത്തെടുത്തു. എന്നാൽ ടൈ ബ്രേക്കറിലൂടെ ഓസ്ട്രേലിയൻ സഖ്യം സെറ്റും മൽസരവും സ്വന്തമാക്കുക ആയിരുന്നു. 7-5 എന്ന സ്കോറിനാണ് ടൈബ്രേക്കർ ഓസ്ട്രേലിയൻ ടീം നേടിയത്.
Thank you for the memories, @MirzaSania ❤️
The two-time #AusOpen doubles champion has played her final match in Melbourne.#AO2022 pic.twitter.com/YdgH9CsnF0
— #AusOpen (@AustralianOpen) January 25, 2022
സാനിയയുടെ കരിയറിലെ അവസാന ഓസ്ട്രേലിയൻ ഓപ്പൺ ടൂർണമെന്റാണിത്. 2022 അവസാനത്തോടെ സാനിയ ടെന്നീസിൽ നിന്ന് വിരമിക്കുമെന്ന് നേരത്തേ അറിയിച്ചിട്ടുണ്ട്. രണ്ട് തവണ ഓസ്ട്രേലിയൻ ഓപ്പൺ കിരീടം സാനിയ സ്വന്തമാക്കിയിട്ടുണ്ട്. 2009, 2016 വർഷങ്ങളിൽ ആയിരുന്നു കിരീടനേട്ടം.
Read Also: നടിയെ ആക്രമിച്ച കേസ്; സാക്ഷി വിസ്താരത്തിന് ഹൈക്കോടതി കൂടുതൽ സമയം അനുവദിച്ചു