തിരുവനന്തപുരം: സംസ്‌ഥാനത്ത് കൂടുതൽ ലോക്ക്ഡൗൺ ഇളവുകൾ പ്രഖ്യാപിച്ചു. ബാങ്കുകളും ധനകാര്യ സ്‌ഥാപനങ്ങളും തിങ്കൾ, ബുധൻ, വെള്ളി ദിവസങ്ങളിൽ വൈകുന്നേരം അഞ്ച് മണിവരെ തുറക്കാം. ജൂൺ 1, 3, 5, 8 തീയതികൾ ബാങ്കുകൾക്കും ധനകാര്യ സ്‌ഥാപനങ്ങൾക്കും അവധി അയിരിക്കും. കള്ളുഷാപ്പുകൾക്ക് പാഴ്‌സൽ നൽകാൻ അനുമതിയുണ്ട്.
തുണിക്കടകൾ, ചെരുപ്പുകടകൾ, പഠനസാമഗ്രികൾ വിൽക്കുന്ന കടകൾ എന്നിവകൾക്ക് ആഴ്‌ചയിൽ മൂന്ന് ദിവസം തുറക്കാം. തിങ്കൾ, ബുധൻ, വെള്ളി ദിവസങ്ങളിൽ തുണി, ചെരുപ്പുകടകൾക്ക് തുറന്നുപ്രവർത്തിക്കാം. ചൊവ്വ, വ്യാഴം, ശനി ദിവസങ്ങളിലാണ് പഠനസാമഗ്രികൾ വിൽക്കുന്ന കടകൾ തുറക്കാൻ അനുമതിയുള്ളത്. രാവിലെ 9 മുതൽ വൈകുന്നേരം അഞ്ച് മണി വരെയാണ് പ്രവർത്തനസമയം.
വ്യവസായ മേഖലകളിൽ മിനിമം ബസുകൾ വെച്ച് കെഎസ്‌ആർടിസിയ്‌ക്ക് സർവീസ് നടത്താം. മെയ്‌ 30 വരെ പ്രഖ്യാപിച്ചിരുന്ന ലോക്ക്ഡൗൺ സർക്കാർ ഇന്നാണ് ജൂൺ 9 വരെ നീട്ടിയത്.
Also Read: മീ ടു വിവാദം; ഒഎന്‍വി പുരസ്‌കാരം സ്വീകരിക്കില്ലെന്ന് വൈരമുത്തു
