ബത്തേരി: വയനാട് സുൽത്താൻ ബത്തേരിയിൽ നിരോധിത കറൻസിയും മാൻകൊമ്പുകളും പിടികൂടി. 1.97 ലക്ഷത്തിന്റെ നിരോധിത കറൻസിയാണ് പിടികൂടിയത്. മുത്തങ്ങ മൈക്കര കോളനിക്ക് സമീപം കെഎം ഷമീറിന്റെ വീട്ടിൽ നിന്നാണ് നിരോധിത നോട്ടുകളും തലയോട്ടിയോട് കൂടിയതും അല്ലാത്തതുമായ മാൻകൊമ്പുകളും കണ്ടെടുത്തത്. കഞ്ചാവ് കേസിൽ ജയിൽശിക്ഷ അനുഭവിച്ചുവരവേ ജാമ്യത്തിൽ ഇറങ്ങിയ പ്രതി ഒളിവിലാണെന്ന് പോലീസ് അറിയിച്ചു.
ജില്ലാ പോലീസ് മേധാവി ജി പൂങ്കുഴലിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മാൻകൊമ്പുകളും കറൻസിയും പിടികൂടിയത്. ജില്ലാ നാർക്കോട്ടിക് സെൽ ഡിവൈഎസ്പി വി രജികുമാറും ലഹരിവിരുദ്ധ സേനാംഗങ്ങളും ബത്തേരി എസ്ഐ മുകുന്ദനും പരിശോധനക്ക് നേതൃത്വം നൽകി.
Read also: നിലമ്പൂർ മണ്ഡലം തിരിച്ചുപിടിക്കണം; കെസി വേണുഗോപാൽ
