ബാഴ്സലോണ: ലാലിഗയിൽ ബാഴ്സലോണയ്ക്ക് തിരിച്ചടി. കാഡിസിനെതിരെ ഞെട്ടിക്കുന്ന തോൽവിയാണ് ബാഴ്സലോണ ഏറ്റുവാങ്ങിയത്. പ്രമുഖ താരങ്ങള് അണിനിരന്നിട്ടും എതിരില്ലാത്ത ഒരു ഗോളിനായിരുന്നു പരാജയം.
48ആം മിനുറ്റിൽ ലൂക്കാസ് പെരസ് ആണ് കാഡിസിനായി ഗോൾ നേടിയത്. ബാഴ്സയുടെ മൈതാനമായ ക്യാംപ് നൗവിലായിരുന്നു മൽസരം.
നിലവിൽ 31 മൽസരങ്ങളിൽ നിന്ന് 60 പോയിന്റുമായി ലീഗിൽ രണ്ടാം സ്ഥാനത്താണ് ബാഴ്സലോണ. റയൽ മാഡ്രിഡാണ് ഒന്നാം സ്ഥാനത്ത്. 32 കളികളില് 75 പോയിന്റാണ് റയലിന്റെ സമ്പാദ്യം.
അവസാന മൽസരത്തില് സെവിയ്യയെക്കെതിരെ റയൽ ജയം സ്വന്തമാക്കിയിരുന്നു. രണ്ട് ഗോളിന് പിന്നിൽ നിന്ന ശേഷം വമ്പൻ തിരിച്ചുവരവാണ് റയൽ മാഡ്രിഡ് നടത്തിയത്. 3-2നാണ് റയൽ മാഡ്രിഡിന്റെ വിജയം.
Most Read: ഡെല്ഹിയിൽ ടിപിആര് 7.72 ആയി; ആശങ്കയായി കോവിഡ് വ്യാപനം