തിരുവനന്തപുരം: സംവിധായകൻ ശാന്തിവിള ദിനേശനെതിരെ പരാതിയുമായി ഭാഗ്യലക്ഷ്‌മി വീണ്ടും രംഗത്ത്. തന്നെക്കുറിച്ച് അപവാദ പരാമർശമുള്ള വീഡിയോ യൂട്യൂബിൽ നൽകിയെന്നാണ് ഭാഗ്യലക്ഷ്‌മിയുടെ പരാതി. മുഖ്യമന്ത്രി പിണറായി വിജയനും ഡിജിപിക്കുമാണ് ഭാഗ്യലക്ഷ്‌മി പരാതി നൽകിയത്. പരാതിയിൽ സൈബർ പൊലീസ് കേസെടുത്തു. തുടർന്ന് ഭാഗ്യലക്ഷ്‌മിയുടെ മൊഴിയെടുക്കുകയും ശാന്തിവിള ദിനേശനെ വിളിച്ചുവരുത്തി താക്കീത് നൽകുകയും ചെയ്‌തു.
കഴിഞ്ഞ ദിവസമാണ് നിയമം കൈയിലെടുത്ത കേസിൽ ഭാഗ്യലക്ഷ്‌മിക്കും മറ്റു രണ്ടുപേർക്കും കോടതി മുൻ‌കൂർ ജാമ്യം അനുവദിച്ചത്. അശ്ളീല യൂട്യൂബർ വിജയ് പി നായരെ കൈയേറ്റം ചെയ്‌ത കേസിലാണ് ഭാഗ്യലക്ഷ്‌മി, ദിയ സന, ശ്രീലക്ഷ്‌മി അറക്കൽ തുടങ്ങിവർക്കെതിരെ കേസെടുത്തിരുന്നത്.
Read also: ബിലീവേഴ്‌സ് ചർച്ച്; പ്രാഥമിക അന്വേഷണത്തിൽ ഇഡി; ഇൻകം ടാക്‌സ് രേഖകൾ ശേഖരിച്ചു
