മലപ്പുറം: ജില്ലയിലെ ചാപ്പനങ്ങാടിയില്‍ മൊത്തക്കച്ചവടക്കാരന്റെ വീട്ടില്‍ നിന്നും ലഹരിമരുന്ന് പിടികൂടി. ചാപ്പനങ്ങാടി സ്വദേശി മജീദിന്റെ വീട്ടിൽ സൂക്ഷിച്ചിരുന്ന മൂന്ന് കിലോ ഗ്രാം ഹാഷിഷ് ഓയിലാണ് എക്‌സൈസ് സംഘം പിടികൂടിയത്.
ആന്ധ്രയില്‍ നിന്നും ഇന്ന് രാവിലെയാണ് ഇയാള്‍ മയക്കുമരുന്ന് നാട്ടിലേക്ക് കൊണ്ടുവന്നത്. കോഴിക്കോട്, മലപ്പുറം ജില്ലകളിലായി ചില്ലറ വിൽപനക്കാർക്ക് ഹാഷിഷ് ഓയിൽ ഉൾപ്പടെ ലഹരി വസ്‌തുക്കൾ എത്തിച്ചുനൽകുന്ന ആളാണ് മജീദ്.
ലഹരി കേസിൽ ആന്ധ്രയിലും മജീദ് മുൻപ് പോലീസിന്റെ പിടിയിലായിട്ടുണ്ട്. ഇയാളുടെ വാഹനങ്ങളും ലഹരിക്കടത്ത് കേസുകളില്‍ അവിടെ പോലീസ് കസ്‌റ്റഡിയിലാണ്. കൂടാതെ ഇയാള്‍ നേരത്തെ കഞ്ചാവ് കേസിലും ജയിലില്‍ കിടന്നിട്ടുണ്ട്.
അതേസമയം ഇയാളിൽനിന്ന് ലഹരി വസ്‌തുക്കൾ കൈപ്പറ്റി ചില്ലറ വില്‍പന നടത്തുന്നവർക്കെതിരെ അന്വേഷണമെത്തുമെന്നും കർശന നടപടി സ്വീകരിക്കുമെന്നും എക്‌സൈസ് ഉദ്യോഗസ്‌ഥര്‍ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
