പിലിക്കോട്: മഹാവ്യക്‌തികളുടെ ജീവചരിത്രവും സമൂഹത്തിൽ പാലിക്കേണ്ട അച്ചടക്കവും മര്യാദകളും ചെറിയ ക്‌ളാസുകളിൽ ബോധ്യപ്പെടുത്തുന്ന വിധത്തിൽ പാഠ്യപദ്ധതികൾക്ക് ഊന്നൽ നൽകണമെന്ന് കെപിടിഎ (കേരള പ്രദേശ് ടീച്ചേഴ്‌സ്‌ അസോസിയേഷൻ) ജില്ലാ സമ്മേളനം ആവശ്യപ്പെട്ടു.
വീട്ടിലും റോഡിലും പാലിക്കേണ്ട മര്യാദകൾ, മൊബൈൽ ഫോണുകളുടെ അമിത ഉപയോഗം മൂലമുണ്ടാകുന്ന ദൂഷ്യവശങ്ങളെക്കുറിച്ച് രക്ഷിതാക്കൾക്കും കുട്ടികൾക്കും ബോധവൽകരണം നടത്തണം, മുതിർന്ന ക്‌ളാസുകളിലെ വിദ്യാർഥികളുടെ മാനസികസമ്മർദം കുറയ്‌ക്കാൻ പാഠഭാഗങ്ങൾ ലഘൂകരിക്കണം തുടങ്ങിയ ആവശ്യങ്ങളും സമ്മേളനം ഉന്നയിച്ചു.
കെപിടിഎ മുൻ സംസ്‌ഥാന പ്രസിഡണ്ട് ടിവി വിജയൻ സമ്മേളനം ഉൽഘാടനം ചെയ്‌തു. ജില്ലാ പ്രസിഡണ്ട് പി ശ്രീദേവി അധ്യക്ഷയായി. സമാഗമം ചിത്ര-സാഹിത്യ പുരസ്‌കാരം നേടിയ ദിനേശൻ പൂച്ചക്കാടിനെ കോൺഗ്രസ് (എസ്) ജില്ലാ വൈസ് പ്രസിഡണ്ട് പിവി ഗോവിന്ദൻ ആദരിച്ചു.
Also Read: രോഗവ്യാപനം ഉയരുന്നു; ജില്ലകളിൽ കർശന നിയന്ത്രണങ്ങൾ ഏർപ്പെടുത്തി ഭരണകൂടം
