പാറ്റ്‌ന: പുതുതായി രൂപീകരിച്ച ബിഹാര്‍ മന്ത്രിസഭയില്‍ നിന്ന് വിദ്യാഭ്യാസ മന്ത്രി മെവാലാല്‍ ചൗധരി രാജിവച്ചു. മന്ത്രിസഭ രൂപീകരിച്ച് മൂന്ന് ദിവസം മാത്രം പിന്നിടുമ്പോഴാണ് മന്ത്രിയുടെ രാജി. അഴിമതി ആരോപണത്തില്‍ കടുത്ത വിമര്‍ശനങ്ങളാണ് മന്ത്രി നേരിട്ടിരുന്നത്.
Also Read: മുംബൈ ഭീകരാക്രമണം ആസൂത്രണം ചെയ്‌ത ഹാഫിസ് സെയിദിന് 10 വർഷം തടവ്
ചൗധരിക്കെതിരെ അഴിമതി ആരോപണം ഉയര്‍ന്നുവന്ന സാഹചര്യത്തിലാണ് നടപടിയെന്ന് വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്യുന്നു. ചൗധരിയെ മന്ത്രിസഭയില്‍ ഉള്‍പ്പെടുത്തിയതിനെ ചൊല്ലി മുഖ്യപ്രതിപക്ഷമായ രാഷ്‌ട്രീയ ജനതാ ദള്‍ (ആര്‍ജെഡി) ഉള്‍പ്പെടെയുള്ള പ്രതിപക്ഷ പാര്‍ട്ടികള്‍ മുഖ്യമന്ത്രിയെ വിമര്‍ശിച്ചിരുന്നു. 2017 ല്‍ അഴിമതിക്കേസില്‍ എഫ്‌ഐആര്‍ രജിസ്‌റ്റര്‍ ചെയ്‌തപ്പോൾ ചൗധരിയെ പാര്‍ട്ടിയില്‍ നിന്ന് പുറത്താക്കിയിരുന്നു.
