പാറ്റ്ന: ബിഹാര് നിയമസഭ തെരഞ്ഞെടുപ്പിന്റെ പൂര്ണമായ ഫലം രാത്രിയോടെ മാത്രമെ പുറത്തു വരുവെന്ന സൂചനകള് നല്കി തെരഞ്ഞെടുപ്പ് കമ്മീഷന്. കോവിഡ് സാഹചര്യങ്ങള് കണക്കിലെടുത്ത് സുരക്ഷാ ചട്ടങ്ങള് പൂര്ണമായും പാലിച്ചാണ് വോട്ടെണ്ണല് പുരോഗമിക്കുന്നതെന്നും കമ്മീഷന് അറിയിച്ചു.
തെരഞ്ഞെടുപ്പ് ഫലം പ്രഖ്യാപിക്കാന് ധൃതി വേണ്ടെന്ന് ഉദ്യോഗസ്ഥർക്ക് നിര്ദേശം നല്കിയിട്ടുണ്ട്. വോട്ടെണ്ണാന് ആവശ്യമായ സമയമെടുത്ത് മാത്രം ഫലം പ്രഖ്യാപിച്ചാല് മതിയെന്ന് ഉദ്യോഗസ്ഥരോട് അറിയിച്ചിട്ടുണ്ടെന്നുമാണ് പുറത്ത് വരുന്ന വാര്ത്തകള്. രാത്രി 10 മണിയോടെയാണ് കമ്മീഷന്റെ അടുത്ത വാർത്താസമ്മേളനം. കോവിഡ് സാഹചര്യം മൂലം ഈ വര്ഷത്തെ തെരഞ്ഞെടുപ്പില് പോസ്റ്റല് വോട്ടുകളുടെ എണ്ണം വര്ധിച്ചിട്ടുണ്ടെന്നാണ് തെരഞ്ഞെടുപ്പ് കമ്മീഷന് നല്കുന്ന സൂചനകള്.
Read also: ബിഹാര് തെരഞ്ഞെടുപ്പ്; മോദി ഇറങ്ങിയിടത്തെല്ലാം ബിജെപിക്ക് ലീഡെന്ന് റിപ്പോര്ട്ട്