തിരുവനന്തപുരം: മുഖ്യമന്ത്രിക്ക് നേരെ കരിങ്കൊടി പ്രതിഷേധം നടത്തിയ രണ്ട് യൂത്ത് കോൺഗ്രസ് പ്രവർത്തകർ അറസ്‌റ്റിൽ. വിളപ്പിൽ ശാലയിൽ ഇന്ന് രാവിലെയാണ് സംഭവം. യൂത്ത് കോൺഗ്രസ് നേതാക്കളായ എംആർ ബൈജു, സത്യദാസ് എന്നിവരാണ് പിടിയിലായത്. ബൈക്കിൽ പോകവെയാണ് ഇവർ മുഖ്യമന്ത്രി സഞ്ചരിച്ച വാഹനത്തിന് നേരെ കരിങ്കൊടി കാട്ടിയത്.
പ്രതിഷേധങ്ങളുടെ പശ്‌ചാത്തലത്തിൽ മുഖ്യമന്ത്രിയുടെ സുരക്ഷ വർധിപ്പിച്ചു. രാവിലെ ക്ളിഫ് ഹൗസിന് മുന്നിൽ വലിയ പോലീസ് സന്നാഹമാണ് ഒരുക്കിയത്. മാദ്ധ്യമ പ്രവർത്തകരുടേത് അടക്കമുള്ള വാഹനങ്ങൾ മുഖ്യമന്ത്രി സഞ്ചരിക്കുന്ന വഴിയിൽ പാർക്ക് ചെയ്യാനും അനുവദിച്ചില്ല. മുഖ്യമന്ത്രി സഞ്ചരിക്കുന്ന വഴിയിലുടനീളം പോലീസിനെ വിന്യസിച്ചിരുന്നു.
Most Read: കെ റെയിൽ പദ്ധതി; വിശദമായ പരിശോധന വേണമെന്ന് കേന്ദ്രം- അനുമതി നീളും
